Assistent på helg

Har DU lyst til å bli vår nye kollega på helg? Er du student innan helsefag eller har du helsefagleg utdanning?

Avdeling spesialisert psykosebehandling, Seksjon S4 er ein lukka psykosepost med 12 senger lokalisert til Sandviken sjukehus. Seksjonen driv hovudsakleg med utgreiing og behandling av pasientar med akutte psykosar. Vi jobbar i team saman med psykiater, psykolog, sosionom og milijøpersonell rundt kvar pasient. Vi jobbar tett saman med behandlingsaparatet ute for å sikre ein god og rask utskriving til eigen bustad eller anna behandlingstilbod.

Psykiatrisk klinikk har som ambisjon og vere eit fyrtårn i psykisk helsevern. Kvalitet i behandling, pasientryggleik, og eit fagleg sterkt og godt arbeidsmiljø er sentralt i arbeidet vårt.

Vi har no ledige 18% faste stillingar som assistent på helg med arbeid pt. kvar 3. helg.

Kandidatar kan bli innkalla til intervju undervegs i prosessen.

Arbeidsoppgåver

• Fokus på å skape gode relasjonar til pasientane og gje god miljøterapautisk omsorg
• Gje pasientane eit best mogleg opphald på avdelinga
• Tverrfagleg teamarbeid
• Observere og dokumentere
• Praktisk arbeid

Kvalifikasjonar

• Må meistre godt norsk både munnleg og skriftleg
• Vi ønsker at du har helsefagleg utdanning/studieretning
• Søkarar må vere over 21 år

Personlege eigenskapar

• Du er punktleg og påliteleg
• Du har god kompetanse på mellommennskelege forhold
• Du må kunne arbeide godt både sjølvstendig og i team
• Du behandlar pasientar profesjonelt og empatisk er imøtekomande og viser respekt
• Du kommuniserer og samarbeider godt med pasientar, pårørande og kollegaer
• Du må vere personleg eigna til arbeidet
• Du må vere i stand til å ta imot rettleiing og følge avdelinga sine retningslinjer

Vi tilbyr

• Lønn i samsvar med gjeldande overeinskomst
• Eit aktivt og triveleg arbeidsmiljø med engasjerte, kompetente og stolte medarbeidarar
• Relevant opplæring
• Kursing i MAP (Møte med Aggresjons Problematikk)
• Høgt fagleg nivå
• Eit meiningsfylt arbeid som gjev personleg utvikling

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.