Senior Engineer Automation

Vil du jobbe med avanserte tekniske løysingar for framtidas fartøy?
Ulstein er kjend for innovasjon, pålitelegheit og sterke relasjonar til kundane våre. Ulstein Power & Control AS leverer integrerte løysingar som bidreg til at skipseigarar oppnår høgare effektivitet, reduserte kostnadar og kan ta viktige steg mot ei meir berekraftig framtid.


Ulstein Power & Control er systemintegrasjons- og serviceselskapet i Ulstein Group. Vi leverer avanserte og optimaliserte kraft- og automasjonsløysingar til kundar over heile verda. Løysingane våre omfattar også fjernoperasjonsteknologi som plasserer oss i front innan dette området.

Selskapet er i vekst og utvikling, og vi søker etter fleire nye medarbeidarar. I stilling som Senior Engineer Automation vil du verte del av eit kunnskapsrikt, innovativt og engasjert fagmiljø. Ingeniørteamet spelar ei sentral rolle i selskapet og jobbar med nybygg, oppgraderingar og serviceprosjekt. Du får ein variert og spennande arbeidskvardag i tett samarbeid med dyktige kollegaer løyser utfordringar i eit selskap som gir høve til både personleg og fagleg utvikling.

Vi ser etter ein kandidatar som ønskjer å påverke, utvikle og skape resultat i samarbeid med andre.

Ulstein Power & Control har hovudkontor i Ulsteinvik og avdelingskontor på Moa i Ålesund.

Arbeidsoppgåver

Integrasjon av kraft- og automasjonsløysingar
Konfigurering og programmering av kontrollsystem.
Utarbeide av ordrespesifikk dokumentasjon, her under CAD og teknisk spesifikasjon
Testing og verifikasjon av software og hardware
Klasse-test (FAT/HAT/SAT)
Produktspesifikasjon og PLM
Sals-støtte og oppfølging av prosjekt
Legge til rette for kursing av kundar i våre system
Delta i utvikling av berekraftige løysingar

Kvalifikasjonar

Relevant teknisk utdanning på bachelor- eller masternivå
God forståing for marine system og grensesnitt knytte til desse
Erfaring med å utvikle og konfigurere Integrated Automation System (IAS), Power Management System (PMS) og Energy Management System (EMS)
Erfaring med regelverk frå klasseselskap, og klassegodkjenning
Erfaring med industrielle kommunikasjonsprotokoller
Erfaring med Linux og Python
Erfaring med X-Connect er en fordel.
Gode språkkunnskapar i norsk og engelsk

Personlege eigenskapar

Gode evner til kommunikasjon og samarbeid
Løysingsorientert
Evne til å arbeide strukturert og sjølvstendig i ein hektisk kvardag
Vilje til å søke ny kunnskap og dele erfaringar

Kvifor velje Ulstein Power & Control?

Eit framtidsretta og kompetent miljø
Du blir del av eit sterkt fagmiljø som jobbar med leiande maritime teknologiløysingar og har eit tydeleg fokus på innovasjon og berekraft.

Gode utviklingsmoglegheiter
Hos oss får du fagleg påfyll, ansvar og høve til å påverke retninga på både prosjekt og teknologiutvikling.

Fleksibilitet og konkurransedyktige vilkår
Vi tilbyr løysingar som gjer det lettare å kombinere jobb og kvardag, i tillegg til gode og marknadstilpassa vilkår.

Samarbeid med bransjens beste
Du jobbar tett med engasjerte, dyktige kollegaer og bidreg til å forme morgondagens maritime system og løysingar.

ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har over 500 tilsette. Ulstein er ei lærlingbedrift og ei av hjørnesteinsbedriftene i kommunen. 

Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise.

Ulstein Power & Control AS tilbyr service og ombygging av kraftpakkar og marine automasjonssystem. Selskapet er ein del av forretningsområdet Design & Solutions, som tilbyr design og løysingar for offshoreenergimarknaden (vind, olje og gass), ekspedisjonscruise og fiskeri.