Avdelingsdirektør - administrasjonsavdelinga

Nidaros Domkirkes Restaureringsarbeider (NDR) er ei statleg verksemd etablert i 1869 med ansvar for Nidarosdomen, Erkebispegarden, tradisjonshandverk og pilegrimsarbeid. Vi søkjer no ein røynd og utviklingsorientert leiar til ei sentral stilling i organisasjonen vår.

Som leiar for administrasjonsavdelinga vil du få ei nøkkelrolle i å utvikle verksemdsstyringa og NDR som organisasjon i åra framover. Du har det overordna ansvaret for fellestenestene og stabsfunksjonane i NDR. Du inngår i leiargruppa og rapporterer til direktøren som du samarbeider tett med. I avdelinga inngår i dag 13 medarbeidarar, seks i administrasjonen og åtte i driftsseksjonen, som er leia av drifts- og sikkerheitsleiar.

Sentrale arbeidsoppgåver:

• Økonomiforvaltninga i NDR, som økonomistyring, rekneskap, budsjettarbeid og budsjettstyring, økonomiinstruks, rapportering og analysar.
• Anskaffingar, innkjøpsrutinar og eigedomsforvaltning.
• Personalforvalting/HR, organisasjonsutvikling, kompetanseutvikling og oppfølging av regelverk og partssamarbeid.
• Verksemdsstyring, administrative fellestenester, teknisk drift, IKT og digital utvikling
• Sikkerheitsstyring, beredskapsplanlegging og internkontroll.
• Koordinering av planlegging og utviklingsarbeid.

Den som blir tilsett må rekne med endring i arbeidsoppgåver og organisering som følgje av interne behov og av prosessar initiert av Kultur- og likestillingsdepartementet.

Kvalifikasjonskrav:

Du må ha:

• Relevant høgare utdanning på masternivå der utdanning i økonomi inngår.
• Relevant erfaring kan kompensere for manglande formell utdanning.
• Leiarerfaring og god kjennskap til statleg regel- og avtaleverk, særleg innanfor økonomi- og personalforvaltning.

I tillegg er det ønskjeleg at du har:

• Kjennskap til arbeid med sikkerheit, beredskap og internkontroll/avvikshandering.
• Kjennskap til IKT-leiing.
• Erfaring frå strategisk planlegging.

Hva forventer vi av deg?

• Du har gode samarbeids- og leiareigenskapar
• Du motiverer medarbeidarane, er lyttande og kommuniserer tydeleg
• Du tar initiativ, arbeider sjølvstendig og har god gjennomføringsevne
• Du leitar etter moglegheiter på tvers i ei mangfaldig verksemd med ei brei ekstern kontaktflate
• Du har høg arbeidskapasitet, integritet og etisk standard
• Du forstår særpreget til NDR og ønskjer å vere med på å forvalte eit unikt kulturvernoppdrag

Ved vurdering av den best kvalifiserte legg vi vekt på utdanning, erfaring, om du er personleg eigna og på engasjement og motivasjon for nett denne stillinga.

Vi tilbyr:

• Eit høve til å vere med på å vidareutvikle NDR fram mot Nasjonaljubileet i 2030
• Fast stilling i stillingskode 1060 avdelingsdirektør i lønsspenn kr. 940.000 – 1.100.000.
• Stillinga er definert som leiande/særleg uavhengig stilling.
• Eit godt arbeidsmiljø med engasjerte kollegaer og spennande faglege utfordringar på ein tradisjonsrik arbeidsplass.
• Trening i arbeidstida.
• Medlemskap i Statens Pensjonskasse, sjå www.spk.no

For stillingen gjelder 6 månaders prøvetid.

Mangfald og inkludering:

NDR ønskjer medarbeidarar med ulike kompetansar, fagkombinasjonar, livserfaringar og perspektiv for å bidra til endå betre oppgåveløysing. Vi oppmodar kvalifiserte kandidatar om å søkje uavhengig av alder, kjønn, funksjonsevne, hol i CV-en eller kulturell bakgrunn. Vi legg til rette så langt som mogleg for medarbeidarar som har behov for det.

Søknaden leverer du elektronisk. For å ha eit godt vurderingsgrunnlag ber vi deg om å registrere utfyllande CV i rekrutteringsportalen vår og laste opp relevante attestar og vitnemål.

Dersom du har funksjonsnedsetjingar, hol i CV-en eller innvandrarbakgrunn oppmodar vi deg om å krysse av for dette i rekrutteringsportalen. Avkryssingane dannar grunnlag for anonymisert statistikk som alle statlege verksemder rapporterer i sine årsrapporter.

Offentleg søkjarliste vil bli utarbeidd. Søkjarar som ønskjer å vere unnatekne frå offentleg søkjarliste, må grunngje dette i søknaden. Vi gjer merksam på at opplysningar om søkjaren kan bli offentleggjorde sjølv om søkjaren har bedt om konfidensialitet, jf. offentleglova § 25.

Eit bilete av den omfattande verksemda vår får du på heimesida www.nidarosdomen.no. Nærare opplysningar om stillinga får du ved å vende deg til direktør Oddmund L. Hoel, tlf.: +47 970 21 194.

NDRs visjon er:
KULTURARV SOM BERIKER
Vi tar vare på fortiden for fremtiden

For å løse vårt samfunnsoppdrag har vi følgende verdier:
RAUS - Vi er generøse og inkluderende
SOLID - Vi legger kvalitet i alt vi gjør
AMBISIØS - Vi tenker stort og søker det eksepsjonelle

Nidaros Domkirkes Restaureringsarbeider (NDR) har ansvar for bevaring, forskning og formidling knyttet til Nidarosdomen, Erkebispegården og Pilegrimsleden. NDR består av tre fagavdelinger: Bygghytta ved Nidarosdomen, Nasjonalt pilegrimssenter og Publikumsavdelingen. Bygghytta er et nasjonalt kompetansesenter for verneverdige bygninger i stein og har plass på UNESCOs liste over god bevaringspraksis av immateriell kulturarv. Publikumsavdelingen driver en omfattende formidlingsaktivitet i to museum, Erkebispegården og Nidarosdomen, som blir besøkt av 500 000 hvert år. Nasjonalt pilegrimssenter har et overordnet ansvar for pilegrimsledene i Norge og St. Olavsveiene som europeisk kulturrute. NDR ble etablert i 1869, er underlagt Kultur- og likestillingsdepartementet, ledes av et styre og har om lag 70 årsverk.