Avdelingsoverlege i barnesjukdomar

Barne- og ungdomsavdelinga har ledig fast avdelingsoverlegestilling i 100%. Ved intern tilsetting kan overlegestilling bli ledig.

Avdelinga omfattar barnepoliklinikk i Haugesund og på Stord, nyfødd intensiveining, barn sengeeining og familieambulatoriet. Vi dekkjer også legetenesta ved sjukehuset si barnehabilitering. Me dekkjer alle pediatriske fagområde, og har tett samarbeid med universitetssjukehusa i Bergen og Stavanger.

Me har for tida 9 overlegestillingar og 7 legar i spesialisering.

Det skal leggjast til rette for at den administrative delen av stillinga vert mogleg gjennom tilpassing av tid til klinisk aktivitet og vaktarbeid.

Som del av Vestlandslegen-satsinga ved Universitetet i Bergen vert Helse Fonna ein sentral utdanningsarena for framtidas legar. Dette styrkjer det faglege miljøet i regionen og gjev overlegar ei unik moglegheit til å bidra i undervisning, rettleiing og utvikling av framtidas legar.

Kva går jobben ut på?

• Overordnet medisinskfagleg ansvar i avdelinga, og rådgjevar for avdelingsleiar
• Bidra til forsvarleg drift, god ressursutnytting og kvalitet i pasientbehandlinga
• Sikre gode legeplanar, rekruttering og oppfølging av legar i alle utdanningsløp
• Leie og vidareutvikle fag, kvalitet, pasientforløp og tverrfagleg samarbeid
• Sørge for at prosedyrar og praksis er i tråd med gjeldande retningslinjer og kunnskapsgrunnlag
• Kombinert klinisk og administrativ rolle med deltaking i avdelinga sitt leiarteam

Kva kompetanse er viktig i denne rolla?

• Norsk autorisasjon og spesialistgodkjenning.
• Spesialist innan barnesjukdommar (eller annan relevant spesialitet).
• Brei klinisk erfaring og høg fagleg integritet.
• Gode norskkunnskaper, både muntlig og skriftlig.
• Erfaring med fagleiing, kvalitetsarbeid og gjerne leiing/organisasjonsarbeid.
• God kjennskap til gjeldande retningslinjer, pasientforløp og prioriteringsforskrifter.
• Kompetanse innan rettleiing, supervisjon og utdanning av LIS.
• Relevant sjukehuserfaring vil bli vektlagt.

Kva ser vi etter hos deg?

Hos oss er det viktig at du:

• er ein tydeleg og trygg fagperson med gode samarbeidsevner
• har evne til å arbeide strategisk og bidra til utvikling av avdelinga.
• tek ansvar, er strukturert og har god gjennomføringsevne
• har engasjement for fagutvikling, kvalitet og pasientsikkerheit
• kommuniserer godt og bidreg til open og god informasjonsflyt
• er relasjonsbyggjar som skapar tillit internt og eksternt
• trivst i ei rolle som kombinerer klinikk og leiinger oppteken av god pasientbehandling
• set pris på å samarbeide med kollegaer

Personlege eigenskapar vert vektlagt.

Kvifor skal du velje oss?

• Eit godt kollegialt arbeidsmiljø
• God moglegheit for fagleg utfordring og utvikling.
• Det blir gitt anledning til deltaking på kurs/kongressar med fri inntil 2 veker pr. år og dekking av utgifter inntil kr 20.000.
• Løn i samsvar med gjeldande overeinskomst for legar

Velkommen til Haugesund!
Haugesund er ein by der du kan oppleve noko av det beste Noreg har å by på. Regionen strekk seg frå det opne havet i vest til fjord- og fjellandskapet i aust. Her finn du både fjord, foss, fjell, idyllisk øysamfunn og ei unik vikinghistorie.

Byen har eit rikt liv med fleire festivalar og moglegheit for aktiviteter som dykking, sandvolley og surfing. Haugesund er ein by med mange opplevingar på menyen.

Haugesund ligg sentralt mellom Bergen og Stavanger og det er god transport mellom byane. Bergen når du på ca. 3 timar, medan Stavanger bare er 1,5 time unna med bil/buss. Haugesund har eiga lufthamn med fly til nasjonale og internasjonale destinasjonar.

Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.

Helse Fonna ønsker så langt som råd å avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta. 

For å bli betre kjend med oss, kan du sjå her www.helse-fonna.no.