Rådgjevar/seniorrådgjevar - Business controller

Vil du arbeide med økonomiske analysar i ei verksemd som forvaltar over 6 milliardar kroner årleg? Skyss har ansvar for å legge til rette for attraktive og pålitelege kollektivreiser med buss, bybane, hurtigbåt og ferje i heile Vestland fylke. Tenestene blir utførte av transportselskap som køyrer på kontrakt med Skyss, medan vi har det overordna ansvaret for planlegging, bestilling og oppfølging.

Vi har no ledig ei fast stilling som rådgjevar/seniorrådgjevar. Du blir del av eit fagleg sterkt miljø med høg kompetanse, godt samarbeid og eit tydeleg engasjement for samfunnsoppdraget vårt. Stillinga inneber mellom anna å utarbeide og formidle presis og relevant økonomisk informasjon, slik at verksemda kan ta gode strategiske val og avgjerder i samsvar med visjon, mål og vedtekne planar.

Arbeidsoppgåver

Som rådgjevar hos oss vil sentrale arbeidsoppgåver vere mellom anna:

• Økonomiske analysar av kostnadsutvikling, kontraktar og inntekter
• Modellering og vurdering av prognosar og scenario
• Analyse av avvik og identifisering av drivkrefter bak tala.

Rådgjevaren vil også bidra i budsjett- og prognoseprosessar.

Kvalifikasjonar

• Vi ser etter deg som har høgare utdanning på masternivå innan økonomi.

  I tillegg er det ønskeleg at du har

  - solid erfaring med økonomiske analysar og business controlling

  - erfaring med komplekse datasett i Excel

  - god forståing for samanhengen mellom økonomi, drift og strategi

  - evne til å formidle analysar på ein presis og forståeleg måte
  

  - erfaring frå offentleg verksemd eller annan politisk styrt organisasjon

  - erfaring med analyseverktøy som Power BI, Framsikt eller tilsvarande
  

Personlege eigenskapar

Vi treng deg som

• er analytisk nysgjerrig og stiller spørsmål ved tal
• er strukturert og systematisk
• evnar å omsette komplekse analysar til klare anbefalingar
• ønsker å bidra til god, tidsriktig og miljøvennleg kollektivtrafikk som er tilgjengeleg for alle
• viser initiativ, jobbar sjølvstendig og har erfaring med å sikre god framdrift i prosessar
• evnar å kommunisere godt med ulike fagpersonar frå ulike fagdisiplinar og miljø.

Vi tilbyr

Hos oss i Skyss kjem du inn i eit sterkt fagmiljø og eit engasjert arbeidsmiljø med hyggelege kollegaer. Du vil få ei fagleg utfordrande og spennande stilling med stor samfunnspåverknad. I tillegg tilbyr vi:

• Moglegheit til å påverke kvaliteten på økonomistyringa i Skyss
• Gode og stabile arbeidstilhøve gjennom Vestland fylkeskommune
• Fleksibel arbeidstidsordning og løn etter avtale
• Gode offentlege pensjons- og forsikringsvilkår

Andre opplysningar:

• Administrasjonsspråket i Vestland fylkeskommune er nynorsk
• Alle nye tilsettingar vert gjort med ei prøvetid på 6 månader
• Vi gjer merksam på at ifølge offentleglova § 25, 2. ledd kan opplysningar om søkaren verte offentleggjort sjølv om søkaren har oppmoda om ikkje å bli ført opp på offentleg søkarliste. Søkarar som har bedt om unntak, vil alltid bli varsla på førehand dersom søkarlista vert offentleggjort.

Om Skyss

Skyss har ansvaret for det offentlege tilbodet med buss, bybane, båt og ferje i Vestland fylke.

Vi er eit kompetanseorgan for mobilitet og kollektivtrafikk i fylket, og skal sikre at vi når dei politiske måla som fylkestinget set for kollektiv- og mobilitetstenester. Skyss sitt mål er å gjere det mogleg for kvar enkelt å reise berekraftig frå der du er til dit du skal.

Skyss skal bidra til å nå klimamåla i Parisavtalen. Vi skal gjennom ein forretningsmessig og digital transformasjon, slik at vi kan sikre samanheng i mobilitetstenester på nye måtar til det beste for innbyggarane i Vestland. For å få dette til, må vi styrke laget med nøkkelpersonar som har interesse for mobilitet og som ønsker å bygge bru mellom dagens løysingar og eit mobilitetstilbod for framtida. Skyss er ei eining i Vestland fylkeskommune, har om lag 100 tilsette og eit budsjett på vel 6 milliardar kroner.

Les meir om Skyss her: Jobb og karriere i Skyss