Helsesekretær

Bli med på laget til LMBB – din sjanse til å kombinere fagleg utvikling med spektakulær vestlandsnatur!

Er du helsesekretær og klar for nye utfordringar? Vi har ledig eit vikariat i 100% stilling fram til 18.04.2027 - med moglegheit for forlenging. Hos oss på Lab. medisinsk biokjemi og blodbank (LMBB) i Førde får du høve til å arbeide med moderne analysemetodar i eit dynamisk og sosialt arbeidsmiljø.

🌟 Her får du:

• Pasientretta oppgåver innan prøvetaking og preanalyse.
• Tett samarbeid med erfarne og hyggelige kollegaer i eit team på ca. 35 dedikerte medarbeidarar (bioingeniørar, helsesekretærar, legar og sjukepleiarar).
  
• Arbeide med topp moderne utstyr og automasjon.
• Dagarbeidstid og mellomvakter.
• Det kan og bli aktuelt med arbeid på dagtid laurdag og søndag.

🌍 Førde – din nye by:

• Ein sjarmerande by med rikt kulturtilbod, butikkar, restaurantar og arrangement.
  
• Fantastisk tilgang til naturen - toppturar, skianlegg, båtliv og fiskemoglegheiter rett utanfor døra.
  
• Sentralt plassert mellom Ålesund og Bergen. Oslo er berre ein kort flytur unna.
  

🎉 Sosialt miljø:
Vi trur på balanse mellom arbeid og fritid! Bli med på buldring, jogging, quiz, kampsport og andre kjekke og sosiale aktivitetar saman med kollegaer.

Er du klar for å ta steget? Ta kontakt for spørsmål om stillinga, og bli ein del av vårt team!
Startdato etter avtale. Vi gleder oss til å bli kjent med deg!
Sjå video for å bli kjent med oss i LMBB.

Arbeidsoppgåver

• Pasientretta oppgåver innan prøvetaking og preanalyse
• Utføre PNA-analysar
• Tapping av blodgivarar
• Ekspedisjon/posthandtering
• Telefonekspedering frå avdelingar på sjukehus og spesialist- og primærhelsetenesta
• Stillinga har dagarbeidstid og mellomvakter. Det vil også bli aktuelt med arbeid i helg.

Kvalifikasjonar

• Autorisasjon som helsesekretær
• Må beherske godt norsk både munnleg og skriftleg
• Relevant praksis/arbeidserfaring innan blodprøvetaking er ein fordel
• Gode IKT kunnskapar

Personlege eigenskapar

• Stukturert og målretta
• Gode samarbeids- og kommunikasjonsevner
• Sjølvstendig, fokusert og ansvarsbevisst
• Må trivast i eit aktivt miljø
• Serviceinnstilt

Vi tilbyr

• Lønn i samsvar med gjeldande overeinskomst
• Gode pensjons- og forsikringsordningar
• Opplæringsprogram for nytilsette
• Fagleg og personleg utvikling
• Triveleg og aktivt arbeidsmiljø
• Arbeid i IA-bedrift
• Hjelp med bustad, opplys i søknaden dersom det er ønskjeleg

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. 

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder,  fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.