Fagansvarleg Depot (Pant- og tinglysingsfunksjon)

Luster Sparebank søkjer medarbeidar til stillinga som fagansvarleg for Depot.

Depot er ein sentral del av banken si kredittverksemd og har ei viktig rolle i banken sitt kontroll- og kvalitetsarbeid. Stillinga bidreg til å sikre at lån og sikkerheiter vert handtert i samsvar med gjeldande lovverk, forskrifter og interne retningsliner.

Stillinga omfattar i tillegg oppgåver knytt til banken si internavdeling.

Arbeidsoppgåver

Hovudtyngda av stillinga vil vere knytt til depot og omfattar mellom anna:

• Kvalitetskontroll og utbetaling av lån, kredittar og garantiar

• Etablering og oppfølging av sikkerheiter

• Rapportering og vidareutvikling av rutinar og kontrolltiltak

• Yte fagleg støtte til rådgjevarane

I tillegg vil det også ligge enkelte andre interne oppgåver til stillinga, som til dømes fakturabehandling og handtering av feilkonto.

Kvalifikasjonar

• Relevant utdanning (relevant praksis kan kompensere for utdanningskravet)

• Erfaring frå bank, finansinstitusjon eller anna relevant verksemd er ein fordel

• God forståing for kredittprosessar og dokumentasjonskrav

• Gode digitale ferdigheiter og evne til å setje seg raskt inn i nye system

• God skriftleg og munnleg framstillingsevne på norsk

Personlege eigenskapar

Me søkjer etter ein initiativrik person med gode analytiske evner. Du er strukturert og effektiv og evnar å prioritere og levere i henhold til tidsfristar. Du er løysingsorientert og god til å kommunisere og rettleie, og har i tillegg ei positiv innstilling som verdset godt arbeidsmiljø med lagspel og arbeidsglede

Me tilbyr

• Ei ansvarsfull og fagleg viktig rolle i ein solid og lokal sparebank som brenn for gode kundeopplevingar og positiv utvikling i bygdene og lokalsamfunna me er ein del av

• Eit arbeidsmiljø prega av godt samhald og kultur, høg fagkompetanse og god stemning og stå-på-vilje

• God opplæring og moglegheitar for fagleg og personleg utvikling

• Gode velferdsordningar, fleksitid og løn etter avtale

Luster Sparebank er ein solid og sjølvstendig sparebank med målsetjing om ekspansjon og vekst. Banken har 30 tilsette og har hovudkontor i Gaupne og filial på Hafslo i Luster kommune. Banken skal vera ein god og løysingsorientert medspelar som bidreg til at både eksisterande og nye kundar kjenner økonomisk tryggleik og kan realisera sine draumar i tråd med visjonen - «Saman når me måla dine!».