Yrkesfaglærar, Kulde- varmepumpe og ventilasjonsteknikk

Slåtthaug videregående skule ligg i naturskjønne omgivnader nær Nesttun sentrum. Det er kort veg til buss- og bybanestopp, og vi har Fana Arena og Slåtthaug kunstisbane rett i nærleiken. Skolen har ca 600 elevar fordelt på utdanningsprogramma BA,EL, HO, TIF og påbygging til generell studiekompetanse.

Vi har eit mangfaldig elevmiljø og engasjerte tilsette. Her ser vi på alle utdanningsvegar som likeverdige, og er opptatte av at elevane skal oppleve trygg, aktiv læring i alle klasserom og verkstader.

Vi søkjer faglærar til eit engasjement i 30% stilling i programfag på kulde-, varmepumpe- og ventilasjonsteknikk for skuleåret 26/27.

Arbeidsoppgåver

Undervisning i programfag på vg2 i faget kulde- og varmepumpeteknikk.

Kvalifikasjonar

• Du har minimum fagbrev og relevant arbeidserfaring innanfor kulde-, varmepumpe- og ventilasjonsteknikk.
• Du har gjerne teknisk fagskule eller ingeniørutdanning.
• Det er ønskjeleg med undervisningserfaring.
• Du har god munnleg og skriftleg framstillingsevne.
• Du har god digital kompetanse.

Til alle undervisningsstillingar er det krav om relevant fagleg og pedagogisk kompetanse. Dette kan takast som vidareutdanning.

Engasjementet kan bli vidareført og endra i storleik.

Personlege eigenskapar

• Du likar å arbeide med ungdom og er ein god rollemodell.
• Du har ei positiv innstilling og skaper gode relasjonar.
• Du ser behova til den enkelte elev.
• Du er ein god lagspelar, er god til å samarbeide og deler av kunnskapen din.
• Du arbeider strukturert og systematisk.

Vi tilbyr

• Løn i tråd med tariffavtalen og Vestland fylkeskommune sin lønspolitikk.
  
• Gode forsikrings- og pensjonsordningar.
• Tett kollegasamarbeid og god delingskultur

Du som skal tilsettast i vidaregåande skule må leggje fram godkjent politiattest.

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.