Undervisningsstilling i mekaniske fag

Laksevåg og Bergen maritime vgs har 80 tilsette og omlag 500 elevar. Skulen har totalt 33 klasser med tilbod innan bygg- og anleggsteknikk, elektro- og datateknologi, elektro- og datateknologi med spesiell studiekompetanse og teknologi- og industrifag. Innanfor teknologi- og industrifag tilbyr skulen industriteknologi, brønnteknikk, kjemiprosess og laboratoriefag og maritime fag. Skulen er lokalisert i Bergen sentrum og på Laksevåg.

Ved skulen er følgjande stilling ledig frå 1. august 2026:

Fast stilling som faglærar i mekaniske fag.

Vi søkjer etter kandidatar med mekanisk bakgrunn.

Arbeidsoppgåver

• Undervisning på vg1 teknologi- og industrifag.
• Kontakt med næringslivet.

Kvalifikasjonar

• Mekanisk bakgrunn med fagbrev.
• Til alle undervisningsstillingar er det krav om relevant fagleg og pedagogisk kompetanse, jf opplæringslova.
• Ved manglande pedagogisk og/eller fagleg kompetanse vil det bli lagt til rette for etterutdanning.

Personlege eigenskapar

• Du bidreg til å skape gode relasjonar, både til elevar og kollegaer.
• Du er engasjert og positiv, og liker å arbeide med ungdom.
• Du har gode kommunikasjonsevner.
• Du har gode samarbeidsevner.
• Du er strukturert.
• Du er sjølvstendig og fleksibel.
• Du har god pedagogisk forståing.
• Du tek initiativ til samarbeid og er ein aktiv deltakar i profesjonsfellesskapet, men er òg sjølvstendig i eige arbeid.
• Du trivst i eit hektisk arbeidsfellesskap med elevar, miljøarbeidarar, lærarar og andre hjelpeinstansar i laget rundt eleven.
  

Det vert lagt stor vekt på personlege eigenskapar ved tilsetting.

Vi tilbyr

• Eit aktivt og stimulerande fagmiljø.
• Gode høve til eiga læring og utvikling.
• Løn og lønsutvikling i tråd med tariffavtalen og Vestland fylkeskommune sin lønspolitikk.
• Gode forsikrings- og pensjonsordningar.
  

Det er eit vilkår om godkjend politiattest for å bli tilsett i vidaregåande skule.

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.