Ledig vikariat som reisemålsutviklar i Visit Jotunheimen

Visit Jotunheimen søkjer ein engasjert, strukturert og sjølvstendig vikar i 100% stilling.

Vikariatet har varigheit på 1 år, med oppstart i starten av august 2026.

Dette er ei unik moglegheit for deg som brenn for berekraftig reiseliv, og som ynskjer å jobbe med både utviklingsprosjekt, formidling, kundekontakt og drift av turistinformasjon og kontorfellesskap.

Om stillinga

Som vikar i Visit Jotunheimen vil du jobbe tett med dagleg leiar om den daglege drifta, og vere ei praktisk og fagleg støtte i reisemålsutviklinga.

Du vil få ansvar for å følge opp arbeidet med berekraftig reisemål og miljøfyrtårn, og vil få ei viktig rolle med å ferdigstille remerkinga av Lom som berekraftig reisemål våren 2027.

I tillegg vil du få ansvar for oppfølging av vårt kontorfellesskap og drift av turistinformasjonen i Lom.

Du vil bidra med innhald og web etter behov.

Arbeidsoppgåver og ansvarsområde

Berekraftig reisemål

• Hovedansvar for oppfølging av merkeordningane våre berekraftig reisemål og miljøfyrtårn.

• Koordinere og ferdigstille remerkinga av Lom som berekaftig reisemål våren 2027.

• Innhente dokumentasjon, dialog med samarbeidspartar, gjennomføring av undersøkingar m.m.

• Leie møter i destinasjonsleiinga og bidra til forankring av berekraftsarbeidet i reiselivet og lokalsamfunnet – i samråd med reisemålsleiinga.

Oppfølging av vårt kontorfellesskap

• Dialog og utleige av møterom og drop-in plassar.

• Bestilling av varer til kontorfellesskap og fellesareal.

• Oppfølging av tilganger, nøkkelbrikker og koder.

• Føre oversikt over utleige og oppfølging fakturering.

Turistinformasjon og vertskap

• Dagleg drift og vidareutvikling av turistinformasjonen i Lom.

• Vere vertskap og handtere førespurnader på e-post, telefon og fysiske besøk.

• Koordinering og oppfølging av sesongbemanning (i høgsesong, juni - september).

• Vareoppfølging: Innkjøp, prising og varetelling.

Dagleg drift og støtte til dagleg leiar

• Bistå i administrativt og praktisk arbeid.

• Bidra i prosjekt, samarbeid og interne prosessar.

• Kontakt og dialog med medlemsbedrifter.

Nettside og innhald

• Publisering og oppdatering av innhald på nettside

• Enkel redigering av tekst, bilete og struktur

• Bidra til vidareutvikling av digital vertskapsrolle

Vi ser etter deg som

• Har relevant utdanning og/eller erfaring innan reiseliv, destinasjonsutvikling, berekraftsarbeid, sal og/eller liknande.

• Er strukturert, sjølvstendig og trygg til å ta ansvar og eigarskap.

• Trivst med både operative oppgåver og langsiktig utviklingsarbeid.

• Har god digital forståing og likar å jobbe med innhald og formidling.

• Er glad i folk og har sterk service- og vertskapskompetanse.

• Beherskar norsk og engelsk godt, munnleg og skriftleg.

• Dersom du har erfaring med arbeid innan berekraft-arbeid, prosjektleiing, arrangementsplanlegging, økonomi, søknader og/eller offentlege prosessar, vil det kunne vere ein fordel.

Vi kan tilby

• Ein arbeidskvardag med stor variasjon, frå prosjekt og utviklingsarbeid til vertskapsrolle og drift.

• God innsikt i og erfaring med merkeordninga Berekraftig reisemål og Miljøfyrtårn – og arbeid med berekraftig reisemålsutvikling i praksis.

• Moglegheit for å påverke utviklinga av Lom og Jotunheimen som reisemål.

• Arbeidsplass midt i nasjonalparklandsbyen Lom, med fjella som næraste nabo.

• Eit sterkt lokalt forankra destinasjonsselskap med engasjerte eigarar og samarbeidspartnarar.

• Tett samarbeid med engasjerte kollegaer, medlemsbedrifter og lokale aktørar.

• Moglegheit for fleksibilitet arbeidsoppgåver ut i frå eigenskapar, i dialog med arbeidsgjevar

• Løn etter avtale

• Moglegheit for forlenging etter at vikariatet er over.

Visit Jotunheimen AS er destinasjonsselskapet for Lom, Jotunheimen og omland.

Selskapet har 72 medlemsbedrifter i Lom, Skjåk og Vågå og driftar den offisielle turistinformasjonen i Lom.

Lom har status som nasjonalparklandsby og er ein naturleg innfallsport til Jotunheimen, Breheimen og Reinheimen nasjonalparkar.

Selskapet jobbar for å utvikle og marknadsføre området som eit heilskapleg og berekraftig reisemål, i tett samarbeid med lokalt reiseliv og handel, øvrig næringsliv, kommune og forvaltning.