Ledig 100 % stilling som Vaskerioperatør / nestleiar vaskeri

Om stillinga

Vaskeriet vårt er i sterk vekst etter nye avtalar med Haugesund sjukehus, og me søkjer difor ein engasjert vaskerioperatør som også skal fungere som nestleiar. Du får ei sentral rolle i ein produksjon som betyr noko – både for kundane våre og for dei tilsette i tilrettelagt arbeid som du vil rettleie og støtte i kvardagen.

Arbeidsoppgåver

•         Delta i og sikre dagleg drift av vaskeriet (rein og urein side)

•         Rettleie, støtte og følgje opp tilsette i varig tilrettelagt arbeid

•         Planleggje og koordinere arbeidsoppgåver i produksjonen

•         Sikre at rutinar, kvalitetskrav og prosedyrar vert følgde

•         Ha oversikt over lager, varer og forbruk

Som nestleiar vil du i tillegg:

•         Sikre god flyt og samarbeid mellom avdelingane

•         Bidra til god kundebehandling og kontakt med samarbeidspartnarar

•         Følgje opp kvalitet og leveransar

•         Medverke til vedlikehald av maskiner og utstyr

•         Delta i forbetringsarbeid og utvikling av gode arbeidsprosessar

•         Vere stedfortredar ved vaskerileiar sitt fråvær

Kvalifikasjonar

•         Erfaring frå produksjon, vaskeri eller liknande arbeid er ein fordel

•         Erfaring med rettleiing, oppfølging eller arbeid med menneske er ønskjeleg

•         Gode samarbeidsevner og relasjonskompetanse

•         Evne til å strukturere og organisere arbeidsoppgåver

•         Grunnleggjande teknisk forståing

•         Gode norskkunnskapar, munnleg og skriftleg

Personlege eigenskapar

•         Du er tydeleg og trygg i møte med ulike menneske

•         Du har evne til å motivere og skape meistring

•         Du er strukturert og løysingsorientert

•         Du tek ansvar og viser initiativ

•         Du trivst i ein variert og aktiv arbeidskvardag

Kvifor jobbe hos Spira utvikling?

•         Ei verksemd i vekst – du kjem inn i ein spennande fase med aukande produksjon og nye kundar

•         Meiningsfylt arbeid der du bidreg til både verdiskaping og inkludering

•         Eit inkluderande og fagleg sterkt arbeidsmiljø med korte avgjerdsvegar

•         Moglegheit til å påverke og utvikle rolla di

•         Opplæring og støtte i nestleiarrolla

•         Pensjons- og forsikringsvilkår

•         Lønn etter avtale – bedrifta har tariffavtale

Den som får tilbod om tilsetjing, må leggje fram politiattest.

Praktisk informasjon

Ønska oppstart: 01.06.2026

Søknadsfrist: 19.04.2026

For meir informasjon, ta kontakt med: Sollaug, tlf. 995 40 722

Spira utvikling AS er ei arbeidsmarknadsverksemd eigd av Etne kommune og Vindafjord kommune, med om lag 50 tilsette. Me driv vaskeri, transport og ei rekkje andre avdelingar – og er tiltaksarrangør for NAV innan varig tilrettelagt arbeid (VTA) og arbeidsførebuande trening (AFT). Hos oss går produksjon og menneskeleg utvikling hand i hand.