Trainee Vest 2026 - UIB

I fakultetsadministrasjonen ved Fakultet for naturvitenskap og teknologi (NT-fakultetet) er det ledig stilling som Trainee - økonomikonsulent / -rådgjevar.

Hos oss vil du jobbe tett på forsking og utdanning i eit mangfaldig og internasjonalt miljø. Fakultetet har om lag 900 tilsette, 4000 studentar og eit budsjett på om lag 1,5 milliard kroner.

Økonomiseksjonen ved NT-fakultetet består av om lag 25 høgt utdanna medarbeidarar som held til i Realfagbygget. Seksjonen er organisert i tre temagrupper: totaløkonomi, generell økonomi og prosjektøkonomi. Vi leverer økonomitenester og -støtte til både fakultetet og alle institutt og senter som høyrer til fakultetet. Den utlyste stillinga vil få arbeidsoppgåver innan alle temagruppene.

Vi søkjer ein sjølvstendig, strukturert og omgjengeleg trainee med god økonomiforståing. Hos oss vil du bli del av eit kompetent og inkluderande arbeidsmiljø og få varierte og sjølvstendige oppgåver innan økonomifeltet. Stillinga rapporterer til seksjonssjef.

Arbeidsoppgåver
Døme på arbeidsoppgåver for ein økonomikonsulent / -rådgjevar:

· saksbehandle lokale anskaffelser og innkjøp
· fakturabehandling og andre rekneskapsrelaterte oppgåver
· oppretting, oppfølging og avslutting av prosjekter
· leiarstøtte og rådgjeving i økonomispørsmål
· budsjettering og oppfølging/analyse av budsjett og rekneskap.
· annen sakshandsaming

Utviklingsarbeid og fagleg oppdatering er ein naturleg del av stillinga.

Kvalifikasjonar
· utdanning på masternivå er eit føremon, men bachelorutdanning med relevante fag i fagkrinsen og gode resultat kan òg vurderast
· god administrativ IT-kompetanse, særskilt innan Excel er ein føresetnad
· god rekneskaps- og tallforståing er ein føresetnad
· søkjarar må ha gode skriftlege og munnlege ferdigheitar i norsk og engelsk

Personlege eigenskapar
Vi søkjer ein person som:
· er fleksibel, strukturert, målretta og har god gjennomføringsevne
· har analytiske eigenskapar og nødvendig presisjon i arbeidet
· har gode kommunikasjons- og samarbeidsevner, samt evne til å arbeide sjølvstendig og ta ansvar innan eige ansvarsområde
· er initiativrik i høve til nye arbeidsmåtar, system og rutinar
· er serviceinnstilt, resultat- og løysingsorientert

Ved vurdering av søkjaren vil vi legge stor vekt på dei personlege eigenskapane som er naudsynte for stillinga.

Vi kan tilby
· spanande og utviklande arbeidsoppgåver i eit sterkt fagmiljø
· kompetanse- og karriereutvikling med eit allsidig kurstilbod innan økonomi og prosjektadministrasjon.
· fleksibel arbeidstid med moglegheit for noko heimekontor
· medlemsskap i Statens pensjonskasse
· gode velferdsordningar

Generell informasjon

Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Har du høgre utdanning frå utlandet, må ho godkjennast av Direktoratet for høyere utdanning og kompetanse. Du må ha sendt inn søknad om godkjenning innan søknadsfristen for denne stillinga går ut. Legg ved kvittering for søknad eller vedtak når du søkjer. Godkjenninga må ettersendast og er ein føresetnad for tilsetjing i stillinga. Det er søkjaren sitt eige ansvar å sørgje for at etterspurd dokumentasjon er lasta opp i søknaden!

Se gjerne mer på www.uib.no

Trainee Vest tilbyr et bredt spekter av stillinger innen mange ulike fagområder. Som trainee gjennom vårt traineeprogram får du en unik kombinasjon av faglig og personlig utvikling. En traineestilling byr på ny kompetanse, nye utfordringer, nettverk i næringslivet og flotte opplevelser gjennom året.

Registrer din søknad med vitnemål/karakterutskrift og CV innen 12.april 2026. Ved spørsmål om Trainee Vest vennligst ta kontakt per epost: NO.jeffersonwells.traineevest@jeffersonwells.no

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad. Universitetet i Bergen skal vere blant Europas fremste universitet, internasjonalt kjent for høg kvalitet i forsking og utdanning. Eit internasjonalt, forskingsintensivt universitet og ein samfunnsinstitusjon som bidreg til ei berekraftig og demokratisk utvikling.