Lærar og assistent

Ølve Montessoriskule har ledig stilling som lærar i 60% stilling og assistent i 60% stilling for skuleåret 2026-2027. Begge stillingane er eitt års vikariat, med mogeleg for forlenging.

Lærarstillinga er omlag 60%, og ein del av stillinga er knytt til spesialundervisning og oppfølging av enkeltelevar.

Assistenten skal hjelpe til i det daglege arbeidet ved skulen, og har oppgåver knytt til både enkeltelevar og heile gruppa. Me søkjer ein person som likar å arbeide med barn og unge, er fleksibel og positiv.

Fagbrev som barne- og ungdomsarbeidar er ynskjeleg, men ikkje eit krav. Personlege eigenskapar vil bli vektlagt.

Stillinga som assistent er omlag 60%, fordelt på fire dagar i veka og eit arbeidsår på 39 veker.

Ølve Montessoriskule ligg idyllisk plassert i den vesle bygda Ølve i Kvinnherad Kommune. Skulen har vore privat sidan hausten 2013, og driv etter montessoripedagogikken. Me er gode på å nytta nærområdet, og nyt godt både av fjord, fjell og skog. Trygg på ferda, ut i verda!