Avdelingsingeniør

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Avdelingsingeniør 

Ved Det medisinske fakultet, Institutt for Klinisk Odontologi, er det ledig ei fast 20% stilling som
avdelingsingeniør.

Arbeidsoppgåver:

Det tanntekniske laboratoriet ved Institutt for klinisk odontologi skal oppgraderast og
vidareutviklast i tråd med dagens standard innan tannteknikk, med særleg vekt på digital
arbeidsflyt. Stillinga vil ha ei sentral rolle i arbeidet med å modernisere og digitalisere laboratoriet
si verksemd.
Arbeidsoppgåvene vil mellom anna omfatte drift, vidareutvikling og implementering av digitale
tanntekniske prosessar ved laboratoriet. Dette inkluderer arbeid med CAD/CAM-teknologi, 3D-
printing og andre digitale produksjonsmetodar som vert nytta i moderne tanntekniske laboratorium.
Stillinga vil òg omfatte arbeid knytt til framstilling av tanntekniske produkt innan både fast og
avtakbar protetikk, samt oppfølging av utstyr og digitale system knytte til laboratoriedrifta. Det vil
vidare vere oppgåver knytte til undervisning og rettleiing av studentar i relevante tanntekniske
arbeidsprosessar, både innan tradisjonelle og digitale metodar.

Det kan verte aktuelt å leggje andre oppgåver til stillinga.

Kvalifikasjonar og eigenskapar:

• Søkjar må ha relevant tannteknisk utdanning 
• Søkjar må ha autorisasjon om tannteknikar 
• Relevant praksis er eit krav
• Søkar må beherska norsk skriftleg og muntleg
• Ønskelig med erfaring innen digitalisering av tanntekniske tjenester

Vi søkjer ein person som

• Har gode kommunikasjons- og samarbeidseigenskapar
• Har god digital kompetanse og evne til å tileigne seg nye ferdigheiter og arbeidsmetodar
• Har god kjennskap til digitale tanntekniske prosessar, som CAD/CAM og 3D-printing
• Har erfaring med drift, implementering og bruk av digitale verktøy i tannteknisk laboratorium
• Har relevant erfaring frå fullservice tannteknisk laboratorium som produserer både fast og
  avtakbar protetikk, og som nyttar fresing (CAD/CAM) og 3D-printing i eigen produksjon
• Har gode formidlings- og undervisningsevner

Ved vurdering av søkjaren vil vi leggje stor vekt på dei personlege eigenskapane som er
naudsynte for stillinga.

Vi tilbyr:

• Spanande og utviklande arbeidsoppgåver i eit sterkt fagmiljø
• Løn er for tida kr 555 000 - 575 000 (kode 1085, med Bachelorgrad), Løn er for tida kr
  570 000 - 625 000 (kode 1085, med mastergrad). Løn er brutto pr. år for ei fulltidsstilling i
  lønsregulativet til staten ved tilsetjing. For særleg kvalifisert søkjar kan det verte aktuelt å
  vurdere høgare løn.
• Medlemsskap i Statens pensjonskasse
• Gode velferdsordningar (https://www.uib.no/foransatte/17399/velferd)

Generell informasjon:

Utfyllande opplysningar om stillinga kan ein få ved å vende seg til: Ulrik Leidland Opsahl, seksjonsleder, seksjon for oral protetikk. Telefon: 41227714

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her (https://www.uib.no/hr/74251/ansettelsesprosessen).

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det medisinske fakultet består av fem institutt og åtte senter. Les meir om fakultet og tilhøyrande institutt.