Rådgjevar landbruk

Klepp kommune er ein av landets største landbrukskommunar, og det er nå ledig ei 100 % stilling til deg som er interessert i jordbruksproduksjon og forvaltning. Her er det mange og varierte produksjonar innanfor husdyr, planteproduksjon, veksthus og skog. Som rådgjevar vil du inngå i eksisterande team på 3,8 årsverk som arbeider innan forvaltning av landbrukssakar, tilskot, skog og vilt. Me treng deg med på laget vårt for å arbeide med saker som gjeld landbruk, miljø og forvaltning.

Arbeidsoppgåver

• Rådgjeving og saksbehandling etter lover og forskrifter knytt til landbruksforvaltning
• Behandling og kontrollar i samband med ulike tilskotsordningar
• Rettleiing av bønder og andre innbyggarar innanfor avdelinga sitt ansvarsområde
• Andre saksbehandlingsoppgåver knytt til tema landbruk og miljø m.m.

Kvalifikasjonar

• Relevant høgare utdanning, gjerne mastergrad
• Erfaring, interesse og kjennskap til landbruket vert tillagt stor vekt. Det er ønskeleg at søkjar utfyller kompetansen som allereie finst i avdelinga
• Relevant erfaring frå offentleg sektor er ønskeleg
• Gode norskkunnskapar på begge målføre, god skriftleg og munnleg framstillingsevne
• Gode datakunnskapar og kjennskap til ulike kartløysingar
• Førarkort klasse B

Personlege eigenskapar

• Evne til å arbeide sjølvstendig samt gode samarbeids- og kommunikasjonsevner
• Du bør ha interesse for å sette deg inn i faglege problemstillingar, tolke lovverk, sjå samanhengar, ta utfordringar og sjå gode løysingar
• Du bør evne å sette deg inn i ulike dataprogram
• Serviceinnstilt og fleksibel
• Ansvarsbevisst, nøyaktig og påliteleg
• Bidra positivt til eit godt arbeidsmiljø

Vi tilbyr

• Godt tverrfagleg arbeidsmiljø
• Fagleg utfordrande, varierte og utviklande arbeidsoppgåver
• Gode forsikrings- og pensjonsordningar
• Løn etter avtale
• Fleksibel arbeidstid

Klepp er den største av kommunane på Jæren, med over 21 000 innbyggarar og om lag 1800  tilsette. Me ligg sentralt til, med korte avstander både til Stavanger, Sandnes og Bryne.

Kommunen vår har dei flottaste strendene i heile regionen, me har ein spennande kulturhistorie, og ei god blanding av landbruk, industri og varehandel.

Visjonen vår er «Med blikk for alle».  Me ønskjer tilsette som tek i eit tak, bryr seg og tenkjer fritt, og me oppmodar alle kvalifiserte til å søkja, uansett alder, kjønn, funksjonsevne, seksuell orientering, religion eller etnisk bakgrunn.

Me gjer merksam på at søkarlister kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.