Vi søkjer maskør- og parykkmakar!

Som maskør- og parykkmakar vil du få høve til å produsere visuelle uttrykk i teaterets produksjonar, eit arbeid som skjer i tråd med kunstnarlege visjonar innanfor vedtekne rammer. Stillinga høyrer til maskeavdelinga, og inneber også eit koordineringsansvar, der du har ansvar for produksjonar frå oppstart til premiere og siste framsyning. 

Du vil inngå i eit kreativt og fagsterkt arbeidsmiljø, og du vil bidra i den daglege produksjonen, vedlikehaldet og avviklinga av teaterets framsyningar. 

Ønska utdanning, kvalifikasjonar og erfaring 

• Fagbrev som maskør og parykkmakar eller annan tilsvarande utdanning frå utlandet 

• Erfaring frå teater, opera, film eller TV 

• Erfaring innan frisøryrket 

 Personlege eigenskapar 

• Initiativrik, kreativ og sjølvstendig 

• Gode samarbeidsevner og relasjonskompetanse 

• Serviceinnstilt og fleksibel 

• Gode datakunnskapar 

Vi tilbyr 

• Utfordrande og spennande arbeidsoppgåver i eit levande, variert og kreativt arbeidsmiljø 

• Gode kollektive pensjons- og gruppelivsforsikringar  

• Gunstig ferieordning 

• Løn etter tariff 

Stillinga inngår i ei turnusordning med dag-, kveld- og helgearbeid.  

Det Norske Teatret ønsker å spegle samfunnet og oppfordrar kvalifiserte kandidatar som kan auke mangfaldet i organisasjonen vår til å søke. 

Det Norske Teatret har sidan starten i 1913 vakse fram som ein av dei viktigaste og mest særeigne teaterorganisasjonane i Norden. Vi har som mål å vere eit djervt, ope og engasjerande teater dit folk søkjer for refleksjon, oppleving og underhaldning. Det Norske Teatret skal med nynorsk som scenespråk og eit breitt samfunnsengasjement skape nye uttrykk og nå eit stort publikum. Det Norske Teatret ligg sentralt i hovudstaden i eit moderne teaterbygg frå 1985 med 3 faste scener.