Sommarjobb på Sessvollmoen og Kjeller

Forsvarsbygg på Romerike har behov for 6 sommarvikarar til Sessvollmoen, og 1 sommarvikar til Kjeller i skuleferien.
Arbeidsoppgåver vil primært vere knytt til utandørs vedlikehald, som plenklipp, måling, rydding og anna påkommande arbeid.

Ver venleg å oppgi i søknaden kva for lokasjon til du vil jobbe og kva for periode du kan jobbe.

Sommarvikarane våre vil få ein avtale som blir kalla rammeavtale for tilkalling for perioden 01.06.2026 – 30.08.2026. Denne avtalen vil seie noko om kva vilkår som gjeld, og kva lønn du får når du er på jobb. Når du skal jobbe innanfor denne perioden, blir avtalt med den som blir leiaren din. Normalt jobbar ein sommarvikar i 100 % stilling i 3- 4 veker i skuleferien. Arbeid ut over dette kan også avtalast alt etter kva som er arbeidsgivars behov, og kva som passar for deg.



Les meir om Forsvarsbygg på www.forsvarsbygg.no og på karrieresida vår: www.forsvarsbygg.no/jobb

Arbeidsoppgåver

• Grøntarbeid og mindre driftsoppgåver
• Utandørs bygg vedlikehald som måling og skraping
• Påkommande oppgåver utandørs

Kven ser vi etter?

Vi ser etter deg som er:

• God til å samarbeide
  
• Sjølvstendig
  
• Fleksibel
  
• Påliteleg
  
• Ansvarleg

Kvalifikasjonar

• Må vere fylt 16 år,eller fylle 16 år i 2026
  
• Ønskeleg at nokre av søkarane har førarkort klasse B
• Sommarvikaren til Kjeller må vere over 18 år og ha førarkort kl. B
  
• Det er ein fordel om du har erfaring frå bruk av maskinar/landbruksreiskapar
  
• Personar som går yrkesfag blir oppfordra til å søke
  
• Du må kunne autoriserast før oppstart

Vi tilbyr

Lønn som unge arbeidstakarar eller hjelpearbeidar (kode 1138/1115), frå kr. 293 500 - 417 600 i brutto årleg lønn.

Sidan festningane si tid har operative og funksjonsdyktige bygningar og anlegg vore avgjerande for Noreg si forsvarsevne. Det er Forsvarsbygg sitt ansvar å bygge denne forsvarsevna. Vi utviklar, bygger, driv og avhendar bygningar, anlegg og eigedom for forsvarssektoren. Vi er Noreg si største offentlege eigedomsaktør, ein attraktiv arbeidsgjevar med leiande fagkompetanse innan bygg og eigedom, og ei rekkje tilknytte fagområde.


Forsvarsbygg har ansvaret for over 12 000 bygningar og anlegg over heile landet, og har til ei kvar tid ansvaret for om lag 300 aktive investeringsprosjekt. Eigedomsparteføljen vi forvaltar inneheld mange av dei mest særegne og krevjande bygningane i landet, frå dei 15 festningane som er tilgjengelege for allmennheten, til militærleirar, skyte- og øvingsfelt og flystasjonar for Forsvaret. Forsvarsbygg har hovudkontor i Oslo med lokalitetar over heile landet.


Forsvarsbygg er ein etat i forsvarssektoren og underlagt Forsvarsdepartementet. Vi meiner at inkludering og mangfald er ein styrke. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til endå betre oppgåveløysing. Vi vil tilretteleggje for medarbeidarar som har behov for det. Aktuell tilrettelegging kan til dømes vere tekniske hjelpemiddel, tilpassing av møblar eller endring av rutinar og arbeidsoppgåver.