Sommarjobb på Høybuktmoen

Forsvarsbygg på Høybuktmoen søker sommarvikarar til ulike oppgåver knytt til drift. Arbeidsoppgåvene vil blant anna vere plenarbeid, skifting av ventilasjonsfilter og måling av bygg.

Vi ønskjer å tilsetje 4 personar i perioden veke 26-34.
Ver venleg å oppgi i søknaden kva for periode du kan jobbe.

Sommarvikarane våre vil få ein avtale som blir kalla rammeavtale for tilkalling for perioden 01.06.2026 – 30.08.2026. Denne avtalen vil seie noko om kva vilkår som gjeld, og kva lønn du får når du er på jobb. Når du skal jobbe innanfor denne perioden blir avtalt med den som blir leiaren din, og blir sett opp mot dine ønskje og behov.

Les meir om Forsvarsbygg på www.forsvarsbygg.no og på karrieresidene våre: www.forsvarsbygg.no/jobb.

Arbeidsoppgåver

• Reingjering og filterskift på ventilasjonsanlegg
• Målearbeid
• Plenklipping
• Registreringsarbeid innan energisparing
• Påkommande oppgåver
  

Kven ser vi etter?

Vi ser etter deg som er:

• God til å samarbeide
• Sjølvstendig
• Fleksibel
• Påliteleg
• Ansvarleg

Kvalifikasjonar

• Vi ser primært etter deg som er fylt 18 år og har førarkort kl. B
  Søkjera som er fylt 16 år, eller fylle 16 i løpet av 2026 kan vurderast.
• Du må kunne autoriserast før oppstart.

Vi tilbyr

Lønn som unge arbeidstakarar eller hjelpearbeidar (kode 1138/1115), kr. 293 500 - 417 600 i brutto årleg lønn.

Sidan festningane si tid har operative og funksjonsdyktige bygningar og anlegg vore avgjerande for Noreg si forsvarsevne. Det er Forsvarsbygg sitt ansvar å bygge denne forsvarsevna. Vi utviklar, bygger, driv og avhendar bygningar, anlegg og eigedom for forsvarssektoren. Vi er Noreg si største offentlege eigedomsaktør, ein attraktiv arbeidsgjevar med leiande fagkompetanse innan bygg og eigedom, og ei rekkje tilknytte fagområde.


Forsvarsbygg har ansvaret for over 12 000 bygningar og anlegg over heile landet, og har til ei kvar tid ansvaret for om lag 300 aktive investeringsprosjekt. Eigedomsparteføljen vi forvaltar inneheld mange av dei mest særegne og krevjande bygningane i landet, frå dei 15 festningane som er tilgjengelege for allmennheten, til militærleirar, skyte- og øvingsfelt og flystasjonar for Forsvaret. Forsvarsbygg har hovudkontor i Oslo med lokalitetar over heile landet.


Forsvarsbygg er ein etat i forsvarssektoren og underlagt Forsvarsdepartementet. Vi meiner at inkludering og mangfald er ein styrke. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til endå betre oppgåveløysing. Vi vil tilretteleggje for medarbeidarar som har behov for det. Aktuell tilrettelegging kan til dømes vere tekniske hjelpemiddel, tilpassing av møblar eller endring av rutinar og arbeidsoppgåver.