Me søkjer etter ein engasjert og strategisk leiar

No leitar me etter ein kommunedirektør som ønskjer å ta ansvar for eit breitt og viktig samfunnsoppdrag, og som bryr seg om folk, fag og fellesskap. Ein leiar som ser heilskapen i rolla og jobbar saman med politisk leiing, medarbeidarar og lokalsamfunnet til beste for innbyggjarane.

Vik kommune er veldriven, med ei administrasjon prega av erfarne og dyktige tilsette, godt partsamarbeid og eit politisk miljø med tillit og samarbeidsevne. Kommunen har næringsliv med solide industrielle aktørar, tradisjonsrikt landbruk og ei tydeleg satsing på reiseliv, fornybar energi og lokal verdiskaping.

Som kommunedirektør får du heilskapleg ansvar for å leie kommunen vidare i ei tid med både utvikling og omstilling. Me søkjer ein strukturert, trygg og samlande leiar som er sterk på relasjonar. Du trivst i rolla mellom politikk og administrasjon, og leiar organisasjonen samla i tråd med lovverk, strategiar og politiske vedtak.

Me ønskjer oss ein utviklingsorientert kommunedirektør som tek initiativ og skapar gode prosessar gjennom open dialog, forståing for roller og har evne til å byggje tillit.

Har du erfaring frå offentleg sektor, er det ein fordel, men ikkje eit krav. Det viktigaste er at du har innsikt i offentleg forvaltning eller har arbeidd tett med offentleg sektor. Du har høgare utdanning, til dømes innan økonomi, jus eller statsvitskap - annan relevant utdanning kan òg vere aktuell. Me søkjer ein leiar som er oppteken av å utvikle kommunen sine tenester i tråd med innbyggjarane sine behov, og som har god rolleforståing og innsikt i samspelet mellom politikk og administrasjon.

Me tilbyr deg ei sentral rolle i ein organisasjon med høgt fagleg nivå og stor vilje til utvikling. I Vik får du jobbe tett på både folk og natur, og vere med å forme framtida til eit lokalsamfunn som står stødig - og som vil vidare.

Er du den engasjerte og strategiske leiaren me leitar etter? Då vil me gjerne høyre frå deg.

Er du nysgjerrig, er du velkomen å ta kontakt med partner Hege Solbakken, 911 04 141 partner Liv Braathen, 488 49 499 eller Anette Hansen, 900 80 079 i Bønes Virik Executive Search. Søknadsfrist er 8. april 2026.

Tilsetjing skjer på grunnlag av lov- og avtaleverk i kommunal sektor. Me gjer merksam på at i følgje offentleg lova §25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Vik kommune ligg på sørsida av Sognefjorden, midt i Sogn, og består av bygdene Vikøyri, Fresvik, Feios, Vangsnes og Arnafjord. Kommunen har 2550 innbyggjarar, og har eit variert næringsliv innan kraft, industri, teknologi, tradisjonsrikt landbruk og eit reiseliv i vekst. Området er rikt på natur- og kulturarv, frå fjordlandskapet som er del av UNESCO?området Vestnorsk fjordlandskap.