Vil du jobbe med inkludering i arbeidslivet? Jobbrettleiar søkjast

Jobbrettleiar / sosialfagleg arbeidsleiar – vil du bidra til meistring i arbeidslivet?

Leider AS søkjer ein engasjert jobbrettleiar / sosialfagleg arbeidsleiar til fagavdelinga vår.

Hos oss får du ein meiningsfull arbeidskvardag der du arbeider tett med menneske som treng tilrettelegging og støtte i arbeidslivet. Du vil ha ei sentral rolle i oppfølging av deltakarar i arbeidstiltak og tilsette i VTA (Varig tilrettelagt arbeid), og bidra i oppfølging av deltakarar i AFT (Arbeidsførebuande trening).

Vi ser etter deg som ønskjer å bidra til meistring, utvikling og deltaking i arbeidslivet.

Arbeidsoppgåver

• Rettleiing og oppfølging av deltakarar i arbeidstiltak

• Oppfølging av tilsette i VTA (Varig tilrettelagt arbeid)

• Oppfølging og rettleiing av deltakarar i AFT (Arbeidsførebuande trening)

• Dagleg arbeidsleiing og tilrettelegging av arbeid

• Bidra til meistring, utvikling og arbeidsglede hos deltakarane

• Sosialfagleg oppfølging i arbeidskvardagen

• Bistå i verksemda sitt HMS-arbeid

• Samarbeid med NAV og andre samarbeidspartnarar

• Dokumentasjon og fagleg oppfølging

Kvalifikasjonar

• Relevant bachelorutdanning, til dømes innan helse- og sosialfag, sosionom, lærar, politi eller anna relevant fagområde

• Erfaring frå rettleiing eller arbeid med menneske er ein fordel

• Gode relasjonelle ferdigheiter

• Gode digitale ferdigheiter

Personleg eignaheit og realkompetanse vil bli vektlagt.

Personlege eigenskapar

• Engasjement for menneske og inkludering i arbeidslivet

• Evne til å byggje gode relasjonar

• Strukturert og løysingsorientert

• Evne til å motivere og støtte menneske i ulike livssituasjonar

• Evne til å arbeide både sjølvstendig og i team

Kvifor jobbe hos oss?

Hos Leider AS blir du ein del av eit inkluderande arbeidsmiljø der arbeidsglede, utvikling og fellesskap står i sentrum.

Vi tilbyr:

• Ein meiningsfull jobb der du gjer ein forskjell

• Eit inkluderande og fagleg engasjert arbeidsmiljø

• Varierte arbeidsoppgåver

• Moglegheit for fagleg utvikling

• Løn etter avtale

Arbeidsstad: Austevoll
Søknadsfrist: 31.03.2026

Har du spørsmål om stillinga, er du velkomen til å ta kontakt for ein uforpliktande prat.