Postdoktor

Det er ledig toårig stilling som postdoktor ved Kirurgisk Serviceklinikk, Helse-Bergen. Stillinga er tilknytta ALPHA2PREVENT studien, der medikamentell effekt for å førebygge delirium og kognitiv svikt etter hjertekirurgi studerast. Studien er ein randomisert studie som involverer alle dei hjertekirurgiske miljøa i Noreg, og denne postdoktorstillinga er oppretta for å spesielt undersøke betydninga av skrøpelighet (frailty) i samband med førebygging av delirium og demensutvikling.

Arbeidsoppgåver

• Bidra til gjennomføring av Helse-Bergens arbeidspakke, som omhandlar skrøpelighet, i relasjon til ALPHA2PREVENT studien
• Datahandtering
• Bearbeiding og analyse av forskingsdata
• Publisering av resultat
• Samarbeid med øvrig forskingspersonell i ALPA2PREVENT studien

Kvalifikasjonar

• God kjennskap til pasientpopulasjonen, som er pasientar som gjennomgår hjartekirurgi i Noreg
• Erfaring med klinisk forsking
• Norsk doktorgrad (ph.d) eller tilsvarande
• Evne til å jobbe sjølvstendig og strukturert
• Gode munnlege og skriftlege ferdigheiter i norsk og engelsk

Personlege eigenskapar

• Motivert og strukturert
• Interesse for problemstillingar rundt delirium og skrøpelighet hos eldre
• Personleg motivasjon og engasjement for helsefagleg forsking

Vi tilbyr

• Ein spennande og utfordrande jobb
• Lønn i samsvar med gjeldande overeinskomst
• Deltaking i ein forskingsgruppe under oppbygging
• Fagleg utvikling

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.