Seksjonsleiar Korttidsposten

Seksjonsleiar Korttidsposten – Mottaksklinikken, Haukeland universitetssjukehus
Vil du leie ei nøkkel-eining i øyeblikkeleg hjelp, der presis diagnostikk og rett behandling til rett tid er avgjerande – og der du ser effekten av god pasientflyt kvar einaste dag? Mottaksklinikken ved Haukeland universitetssjukehus søkjer no ny leiar til Korttidsposten, ei heldøgns sengeeining med 20 pasientplassar.

Om klinikken
Mottaksklinikken tar imot, greier ut og behandlar pasientar med behov for øyeblikkeleg hjelp. Klinikken består av Akuttmottak og tre sengeeiningar, Diagnostisk senter (poliklinikk), Legeeininga og administrasjon. Vi er ein del av Mottaksmodellen, der fleire avdelingar og klinikkar samarbeider for å gi pasienten best mogleg tilbod.

Om Korttidsposten
Korttidsposten er ei døgnopen sengepost der inn- og utskriving skjer heile døgnet. Vi tar imot pasientar frå alle kliniske avdelingar, primært pasientar med avklart diagnose/problemstilling og tiltenkt liggetid på om lag 24 timar. Dei fleste blir skrivne ut til heim, medan nokre treng overflytting til klinisk sengepost. Eininga har overvekt av hjartepasientar og tilbyr mellom anna utgreiing og behandling som arbeids-EKG og elektrokonvertering.

Dette er posten der pasienten anten skal trygt heim etter kort observasjon – eller vidare til spesialisert behandling. Difor treng vi ein leiar som likar tempo, samhandling og systematisk forbetringsarbeid.

Leiarrolla
Som seksjonsleiar har du det heilskaplege ansvaret for fag, drift, personal og økonomi i Korttidsposten. Stillinga er fast og heil, og du rapporterer til klinikkdirektør og inngår i hennar leiargruppe. Du får ei sentral rolle i vidareutviklinga av pasientforløp og samhandling i Mottaksmodellen.

Arbeidsoppgåver

• Leie, utvikle og følgje opp medarbeidarane i eininga
• Sikre trygg og effektiv døgnkontinuerleg drift med god pasientflyt, kvalitet og pasienttryggleik
• Planleggje og følgje opp bemanning og ressursstyring i henhold til budsjett, mellom anna med oppgåveplanar i GAT
• Drive forbetringsarbeid i tett samarbeid med andre seksjonar i klinikken
  
• Bidra aktivt i klinikkdirektøren si leiargruppe og representere Korttidsposten i relevante fora

Kvalifikasjonar

• Norsk autorisasjon som sjukepleiar er ønskjeleg (oppgje i søknaden om du har annan relevant helsefagleg bakgrunn)
• Leiarerfaring og/eller leiarutdanning
• Erfaring frå somatisk sengepost, akuttmedisin, mottak/observasjonspost eller tilsvarande er ein fordel
  
• God forståing for drift i døgneining og samhandling på tvers

Personlege eigenskapar

• Vi ser etter deg som er drivande, løysingsorientert og trygg i møte med høgt tempo
• Du skapar gode relasjonar, kommuniserer tydeleg og byggjer lag
• Du arbeider strukturert, har orden og tar ansvar for både menneske og resultat

Vi tilbyr

• Ei meiningsfull leiarstilling i ei nøkkel-eining for øyeblikkeleg hjelp ved HUS
• Nært samarbeid med sterke fagmiljø og brei klinisk kontaktflate
• Moglegheit til å påverke pasientflyt, kvalitet og utvikling i Mottaksmodellen
• Leiarrolle tett på klinikkdirektør og klinikkleiing

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.