Bli aktivitør i Austevoll kommune – skap trivsel og meistring i kvardagen

Om arbeidsstaden

Helse og velferd er ei eining med om lag 200 tilsette, leia av kommunalsjef. Eininga omfattar mellom anna pleie- og omsorgstenester, legeteneste, NAV, ergo-/fysioterapi, psykisk helse og rus, kreftomsorg og frivillig arbeid. Målet vårt er å leggja til rette for tenester tilpassa den enkelte, slik at alle kan ha eit trygt, meiningsfylt og innhaldsrikt liv.

Om stillinga

Austevoll pleie- og omsorgssenter har ledig to faste deltidsstillingar som aktivitør ved dagsenter/sjukeheim: 40 % og 60 %. Tiltreding snarast. Som aktivitør planlegg og gjennomfører du aktivitetar som skaper trivsel, fellesskap og meistring for brukarar og bebuarar.

I søknaden ber vi deg opplysa om du søkjer 40 %, 60 % eller begge.

Austevoll kommune er under omstilling. Arbeids- og ansvarsområde kan derfor bli endra.

Ansvar og arbeidsoppgåver

• Planleggje, tilretteleggje og gjennomføre aktivitetar for brukarar og bebuarar
• Skape sosial deltaking, trivsel og ein aktiv kvardag
• Bruke kultur, musikk og song som del av aktivitetstilbodet
• Samarbeide tett med kollegaer og anna fagpersonell
• Delta i daglege gjeremål knytt til drifta av dagsenteret
• Hente og bringe brukarar med Seniorbussen
• Reinhald av Seniorbuss (gjeld 60 %-stillinga)

Kvalifikasjonskrav

Formelle krav

• Gode norskkunnskapar, munnleg og skriftleg
• Førarkort klasse B
• Gyldig politiattest må leggjast fram før tiltreding

Ønskeleg (men ikkje krav)

• Fagbrev som aktivitør
• Erfaring frå arbeid med eldre/dagsenter/omsorgstenester
• Interesse for aktivitetstilbod, handarbeid, kultur og musikk

Personlege eigenskapar:

• Evne til å arbeide strukturert og sjølvstendig
• Ein lagspelar med gode samarbeidsevner
• Trygg, omsorgsfull og god i møte med brukarar
• Personlege eigenskapar vil bli tillagt vekt

Vi tilbyr

• Faste stillingar på dagtid i eit fagleg og sosialt godt arbeidsmiljø
• Varierte og meiningsfulle arbeidsoppgåver
• Løn og arbeidsvilkår i samsvar med gjeldande lov- og avtaleverk

Slik søker du på stillinga

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.

Austevoll er ein øykommune sør-vest i Vestland fylke. Austevoll er den største fiskerikommunen i landet med svært høg næringsaktivitet og byr på eit mangfald av spanande jobbar.

Kommunen sitt administrasjonskontor held til på kommunehuset på Storebø, cirka 5 minuttar med bil frå ferje- og snøggbåtkai.
 
Kommunen har eit folketal på om lag 5400 og dagleg pendlar omtrent 700 til Austevoll frå nabokommunar. Vi er rundt 450 fast tilsette som er opptatt av å gi innbyggarane våre gode kommunale tenester.

Og veit du at dersom du bur i Austevoll kan du få sletta studiegjeld? Bur du her kan du kvart år få sletta kr 25.000,- av studielånet ditt. Dette er nytt frå januar 2025, sjå meir informasjon om ordninga på Lånekassen si heimeside: Sletting av gjeld i utvalgte kommuner

Vi kan tilby meiningsfylte og utfordrande oppgåver og gode, offentlege pensjons- og forsikringsordningar. Administrasjonsmålet i kommunen er nynorsk. 

Vi ønsker deg velkommen som søkar til stilling i Austevoll kommune!