Vi søkjer ein samlande leiar som kan kombinere eit tydeleg og strategisk leiarskap

Vi søkjer ein samlande leiar som kan kombinere eit tydeleg og strategisk leiarskap med stort samfunnsengasjement, gjennomføringskraft og entusiasme.

Du viser god rolleforståing og er ein kulturbyggjar som bidreg til å skape stoltheit i organisasjonen og eit godt samspel mellom administrasjon, politikk, innbyggjarar, organisasjons- og næringsliv i kommunen og regionen. Kommunen har fleire spennande utviklingsprosjekt på gang, og både tilsette, politikarar og innbyggjarar viser stort engasjement for å skape vidare utvikling.

Ansvarsområde:

• Kommunedirektøren har det overordna administrative ansvaret i kommunen
• Byggje vidare på ein felles kultur for inkludering og samskaping, både internt og eksternt
• Utvikle og implementere strategiar for å styrkje kommunen si posisjon som ein attraktiv kommune å bu og arbeide i og som tiltrekk seg nye innbyggjarar, næringsdrivande og tilreisande
• Sørgje for god økonomisk styring og måloppnåing
• Leie utviklingsprosjekt og leggje til rette for samhandling på tvers av einingar
• Leggje fram saker for folkevalde organ og følgje opp politiske vedtak
• Sikre høg kvalitet på våre tenester, god kommunikasjon og service til innbyggjarane
• Vidareutvikle interkommunalt og regionalt samarbeid
• Leie partssamarbeidet med dei tilsette sine representantar
• Gjennomføre en OU prosess i kommunen

Kvalifikasjonar og personlege eigenskapar:

• Brei leiarerfaring frå offentleg og/eller privat verksemd
• Relevant høgare utdanning. Lang og brei leiarerfaring kan kompensere for kravet
• God økonomiforståing
• Du er ein samlande og tydeleg leiar som evnar å motivere, inspirere og inkludere
• Erfaring og kompetanse frå endringsprosessar og strategisk arbeid og OU prosesser
• Innsikt i offentleg verksemd og forståing for politiske prosessar og samspelet mellom administrasjon og politikk.
• God munnleg og skriftleg framstillingsevne
• Personlege eigenskapar vil bli vektlagde

Lom kommune gir deg høvet til å vere med på å forme framtida. Vi kan tilby ei utfordrande og spanande leiarstilling, der du saman med dyktige medarbeidarar vil få ei sentral rolle i vidare utvikling av kommunen. Løn etter avtale, gode pensjons- og forsikringsordningar.

Søknadsfrist 11. februar

For spørsmål, kontakt ordførar ordførar Kristian Frisvold, 414 41 090, e-post: Kristian.Frisvold@lom.kommune.no eller Hege Svendsen hos FREMO Rekruttering, tlf. 905 87 920, e-post: hege.svendsen@fremogruppen.no.

Alle førespurnader til FREMO Rekruttering blir handsama konfidensielt, òg overfor oppdragsgjevar dersom ønskjeleg, i den innleiande fasen.

Vi gjer merksam på at opplysningar om søkjarane kan bli offentleggjorde sjølv om ein søkjar har bedt om å få namnet sitt unnateke frå den offentlege søkjarlista. Søkjarar som ikkje får innvilga si førespurnad om å bli unnateke offentlegheit, vil få varsel om dette og få mogelegheit til å trekkje deg frå prosessen.

Lom er ein unik stad der fjella møter dalane, og tradisjon møter innovasjon. Vår kommune er kjend for majestetiske fjelltoppar og for å vere eit knutepunkt for friluftsliv og kultur. Vi har eit sterkt fellesskap, der vi verdset samarbeid og inkludering. Lom kommune er ein kraftkommune og har ein relativt god, men varierande, økonomi. Som dei fleste andre kommunar, står Lom framfor ei rekke utfordringar i åra framover. Det har vi tatt konsekvensen av og er i gang med ei rekke utviklingsprosessar.

Velkommen til Lom - der fjella møter framtida!