Kjemikar ved Seksjon for lege- og rusmiddelanalysar - fast stilling

Vi har ledig fast stilling som kjemikar ved Avdeling for medisinsk biokjemi og farmakologi (MBF). Vi søker deg med mastergrad eller PhD i organisk analytisk kjemi, biokjemi eller tilsvarande fagområde.

MBF er ei av åtte einingar under Laboratorieklinikken i Helse Bergen, med om lag 370 tilsette. Avdelinga består av 12 analytiske og 4 ikkje-analytiske seksjonar, tre legegrupper (medisinsk biokjemi, Hormonlaboratoriet og klinisk farmakologi), og einingar som NAPOS, NOKLUS Vest, RELIS og SOReg. Vi utfører ei rekke analysar innan medisinsk biokjemi og klinisk farmakologi, og har moderne analyseinstrument. I tillegg til omfattande rutinedrift med døgnkontinuerleg vaktordning, driv vi forsking og utviklingsarbeid. Laboratoriet er akkreditert etter ISO 15189.

Seksjon for lege- og rusmiddelanalysar har mellom anna åtte LC-MS/MS-instrument, tre LC-QTOF-MS-instrument og eitt GC-FID-instrument, i tillegg til tre moderne robotar for prøvehandtering og opparbeiding. Alle analysane er utvikla ved seksjonen.

Arbeidsoppgåver

• Oppfølging og vidareutvikling av eksisterande metodar
• Metodeutvikling for nye analysar
• Opplæring av medarbeidarar
• Delta i seksjonen sitt daglege analytiske arbeid, inkludert analyse, datavurdering og rapportering
• Utarbeiding av prosedyrar og valideringsrapportar
• Drift og vedlikehald av instrument
• Deltaking i forskingsprosjekt

Kvalifikasjonar

• Mastergrad eller PhD i organisk analytisk kjemi, biokjemi eller tilsvarande
• Erfaring med LC-QTOF-MS og/eller LC-MS/MS, inkludert metodeutvikling
• Erfaring med metodevalidering for farmakologiske analysar er ein fordel
• Erfaring med bioanalytisk arbeid i akkreditert laboratorium er ein fordel
• Gode datakunnskapar
• Meistrar norsk skriftleg og munnleg

Personlege eigenskapar

• Engasjert og initiativrik, med evne til å arbeide sjølvstendig
• Strukturert og nøyaktig, med god fagleg vurderingsevne
• Positiv, løysingsorientert og ansvarsmedviten
• Gode samarbeidsevner og bidreg til eit godt arbeidsmiljø
• Trivst med å lære frå seg og er god til å kommunisere
• Fagleg trygg og viser tillit og respekt

Vi tilbyr

• Fast stilling utan vaktordning
• Lønn etter avtale
• Eit aktivt og triveleg arbeidsmiljø
• Høgt fagleg nivå
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.