Helsesjukepleiar 100% fast stilling

Vil du gjere ein skilnad for barn og unge i Stryn?

Er du helsesjukepleiar – eller under utdanning til å bli det – og ønskjer ein jobb der du verkeleg kan bidra til tryggleik, helse og trivsel for barn, ungdom og familiane deira? Då har vi ei spennande moglegheit for deg!

Stryn kommune styrker helsestasjons- og skulehelsetenesta med ei 100 % fast stilling som helsesjukepleiar. Vi satsar på førebyggande og helsefremjande arbeid med fokus på tidleg innsats – og vi vil ha deg med på laget!

Kvifor velje oss?

• Eit levande fagmiljø med engasjerte og dyktige kollegaer

• Spennande og varierte arbeidsoppgåver

• Moglegheit for fagleg og personleg utvikling

• Eit godt og trygt arbeidsmiljø – både sosialt og fagleg

• Godt utvikla tverrfagleg samarbeid med skular, barnehagar og BUP

Om oss

Helsestasjonen held til i moderne lokalar på Stryn helsesenter, Setrevegen 4. Her jobbar helsesjukepleiarar, jordmor, sjukepleiar, fysioterapeut og sekretær – i tillegg til lege knytt til tenesta. Vi har tett samarbeid med skular og barnehagar, og kommunen har etablerte strukturar for tverrfagleg samarbeid.

Som helsesjukepleiar vil du jobbe med barn og unge frå 0–20 år og familiane deira. Du får varierte og meiningsfulle oppgåver, mellom anna:

• Kartlegging og oppfølging av barn og ungdom si helse, trivsel og utvikling

• Helseopplysning og undervisning i klassar og grupper

• Rettleiing om seksuell helse og prevensjon

• Foreldrerettleiing individuelt og i grupper

• Tverrfagleg samarbeid på system- og individnivå

• Vaksinering og smittevernarbeid

• Oppfølging av flyktningar

• Norsk autorisasjon som sjukepleiar og godkjent vidareutdanning som helsesjukepleiar 
  (eller er under utdanning – vi prioriterer søkarar i denne rekkefølgja)

• Gode digitale ferdigheiter

• Førarkort og tilgang til bil

• Erfaring med psykisk helse for barn og unge er ein fordel

• Sertifisering innan PMTO, ICDP, COS eller andre foreldrerettleiingsmetodar er eit pluss

Vi ønskjer ein positiv og fagleg engasjert person som:

• Har gode kommunikasjonsevner

• Er strukturert, fleksibel og løysingsorientert

• Trivst med sjølvstendig arbeid og samarbeid i team

Klar for å bli ein del av vårt team?

Ta kontakt for ein uforpliktande prat – vi vil gjerne høyre frå deg!