Lærlingar i IKT-driftsfaget

Sjukehussektoren er i ei rivande utvikling. Sikker og moderne IKT er ein viktig bidragsytar for at sjukehusa skal kunne drive effektivt og godt, også i framtida. Helse Vest IKT har ansvar for produksjon av IKT-tenester til alle sjukehus i Helse Vest, med høge krav til stabilitet, kvalitet og sikkerheit. Med omlag 1500 system, 4000 serverar og i overkant av 30 000 sluttbrukarar, er vi blant dei største IKT-miljøa på Vestlandet.

I år skal vi rekruttere tre lærlingar innan IT-driftsfaget til eit skreddarsydd opplegg for lærlingar, der fleire av våre områder er involvert. Du vil få brei kompetanse og moglegheita til å bli kjent med ein verksemd som har eit viktig, meiningsfylt og samfunnsnyttig oppdrag; nemleg å effektivisere pasientbehandlinga.

Arbeidsstad er i Bergen.

Arbeidsoppgåver

I løpet av læretida på to år vil du mellom anna lære om hardware, software, brukarsupport 1.-3.linje, nettverk, server, varebestilling, vareleveranse, og skybaserte tenester.

Kvalifikasjonar

• Du har fullført og bestått VG1 ITM/Informasjonsteknologi og medieproduksjon og VG2 IT/Informasjonsteknologi innan august 2026.
• Du har oppnådd vurderinga "god" i både orden og åtferd i VG1 og VG2.
• Du har lite fråvær i VG1 og VG2.
• Du har grunnleggende kompetanse innen IT.
• Du har god munnleg og skriftleg framstillingsevne på norsk.

Personlege eigenskapar

• Vi har tilsette som er ulike i veremåte og arbeidsform, og det liker vi!
• Du kan vere mykje forskjellig og likevel passe veldig godt inn hos oss.
• Men nokre grunnhaldningar er vi likevel ute etter, som ærlegdom, fagleg interessert og arbeidsvillig.
• Du er også pliktoppfyllande og lojal, kan og vil samarbeide, og du har god ordenssans.
• Du er nysgjerrig, liker å jobbe med andre og vet at det er smart å spørre når du lurer på noe.

Vi tilbyr

• Ein allsidig opplæring i ein offentleg verksemd.
• Brei kompetanseutvikling gjennom varierte og sjølvstendige arbeidsoppgåver.
• Gode arbeidsverktøy.
• God oppfølging både fagleg og sosialt av mellom anna fagleg leiar og instruktørar.
• Eit uformelt og inkluderande arbeidsmiljø.
• Moglegheit til å fordype deg i eit eller fleire fagområder etter interesse.

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mulig. Har du utdanning frå utlandet, legg ved godkjenning frå Direktoratet for høgare utdanning og kompetanse.