Kundeservice medarbeider

Har du lyst å løyse datautfordringar og få ein sterk start i Vestlandets største IKT‑selskap?

Hos Kundesenteret jobbar du med 1. linje brukarstøtte for alle PC‑brukarar i Helse Vest. Vi handterer førespurnader via telefon, web, e-post og løyser to av tre saker ved første kontakt.
Du blir del av ein kompetent servicedesk som jobbar etter ITIL sin Incident Management‑prosess, i eit miljø prega av samarbeid og læring.

Arbeidstid mellom 07:00 - 16:00

Søknadar utan vitnemål vert ikkje vurderte

Arbeidsoppgåver

• 1.linjesupport, betening av førespurnader per telefon, web og e-post
• Feilsøking på utstyr og programvare via fjernstyring
• Dokumentere/logge alle førespurnader i vårt saksbehandlingssystem (Assyst)

Kvalifikasjonar

• Erfaring frå brukarstøtte/kundekontakt per telefon
• Krav til flytande norsk munnleg og skriftleg
• IKT utdannelse

Personlege eigenskapar

• Empati, og evne til å forstå brukaren sine utfordringar
• Problemløysande tilnærming til verda
• Målretta og resultatorientert
• Gode samarbeidsevner, evne til å arbeide i team
• Initiativrik og evne til å arbeide sjølvstendig
• Gode kommunikasjonsevner
• Påliteleg

Vi tilbyr

• Eit høgt fokus på personleg og fagleg utvikling
• Fellesskap med motiverte, inkluderande og kunnskapsrike kollegaer
• Eit godt sosialt miljø, med blant anna eigen kaffiklubb og Brettspillklubb
• Gode arbeidsverktøy
• Løn etter avtale
• Medlemskap i KLP som sikrar gode pensjonsvilkår

Helse Vest IKT leverer alle IKT-tenester til spesialisthelsetenesta i Helse Vest. Våre kundar er både dei offentlege sjukehusa i Helse Vest, samt fleire private helsetenesteleverandørar i regionen. Vi har kontor i Bergen, Stavanger, Førde og Haugesund.


Vi siktar mot å betre helsetenesta ved innovativ bruk av IKT-løysingar. Vi har som mål å innføre teknologi som gjer pasientbehandlinga på sjukehusa tryggare og meir effektiv. Vi er eit framtidsretta miljø som kontinuerleg samarbeider med sjukehusa for å hjelpe dei med innovative arbeidsmåtar. For å klare det, er vi avhengig av å vere ein variert miks av tilsette. I tillegg til teknologi- og IT-hovud, har vi mange flinke folk i stabs- og støttefunksjonar, og ikkje minst med helsefagleg bakgrunn.


Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn, eller om du har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.


Vil du verte betre kjent med oss og lese meir om kva vi driver med? Gå inn på helse-vest-ikt.no