Sparebankstiftinga Søre Sunnmøre

Sparebankstiftinga Søre Sunnmøre er SpareBank 1 SMN sin største eigar. Gjennom utbytte frå vårt eigarskap i banken, gir vi betydelege midlar i gåver til allmennyttige prosjekt på Søre Sunnmøre. Sidan starten i 2023 har vi delt ut 100 mill. i gåver til lag og organisasjonar. Det skal vi fortsette med, og vår visjon er: Saman skapar vi engasjerte lokalsamfunn.

Vi søkjer etter kommunikasjonsrådgivar og samfunnskontakt  i Sparebankstiftinga Søre Sunnmøre

Vil du vere med og utvikle engasjerte lokalsamfunn på Søre Sunnmøre?

Brenn du for frivilligheit og gode historier frå regionen vår?

No har du sjansen!

Om stillinga

Vi søkjer etter samfunnsengasjert kommunikasjonsrådgivar og samfunnskontakt som vil bidra til at Sparebankstiftinga Søre Sunnmøre blir ein synleg og aktiv støttespelar i lokalmiljøa våre. Du får ansvar for kommunikasjon og samfunnskontakt – og for å følgje opp prosjekt som får støtte frå stiftinga.

Du vil jobbe i skjeringspunktet mellom kommunikasjon, samfunnsutvikling og allmennyttig verksemd, og bli ein viktig samarbeidspartnar for lag, organisasjonar.

Dine hovudoppgåver

• Utarbeide og gjennomføre kommunikasjonsstrategien vår

• Formidle historier om korleis stiftinga bidreg til utvikling på Søre Sunnmøre

• Behandle og vurdere søknader om gåvemidlar

• Hjelpe gåvesøkarar i søknadsprosessen 

• Proaktiv og utvikle prosjekt saman med ulike aktørar

• Oppdatere heimesida og sosiale medium

• Synleggjere prosjekt og initiativ vi støttar, samt drive og følgje opp prosjekt

• Representere stiftinga på arrangement og i møte med lokalsamfunn

Vi søkjer deg som har:

• Relevant høgare utdanning eller tilsvarande kompetanse

• Erfaring med sjølvstendig saksbehandling

• God forståing for kommunikasjon og sosiale medium

• Solid kjennskap til Søre Sunnmøre

• Gjerne erfaring frå frivillig arbeid

Som person er du:

• Sjølvstendig, initiativrik og god til å fullføre prosjekt

• Dyktig på relasjonsbygging, strukturert og nøyaktig

• God til å kommunisere både munnleg og skriftleg

• Trives i møte med menneske og ulike miljø

Vi tilbyr:

• Ei spennande og nyoppretta stilling med store moglegheiter til å påverke utforminga av jobben

• Varierte arbeidsoppgåver med brei kontaktflate mot lokalsamfunnet, andre sparebankstiftingar og eksterne samarbeidspartnarar

• Konkurransedyktige vilkår, gode pensjons- og forsikringsordning

• Ei meiningsfull stilling med stor påverknad av samfunnsutvikling

• Eit nært samarbeid med eit engasjert styre og engasjert kollega

• Kontorstad er i Volda

Stillinga rapporterer direkte til dagleg leiar.

Har du lyst til å bli med oss på reisa for å styrkje frivilligheita på Søre Sunnmøre? Vi gler oss til å høyre frå deg!

For nærare informasjon om stillinga, ta kontakt med

styreleiar Sigrun Heltne Vartdal Tlf. 98 28 78 39 sigrun.vartdal@orsta-nk.no

eller dagleg leiar Arne Lothe  Tlf.  90670890 arne@sparebankstiftingass.no

Alle henvendingar handsamast konfidensielt.

Send søknad og CV innan 10.02.2026.

Sparebankstiftinga Søre Sunnmøre.

Sparebanktradisjonen vår stara i 1853 med Voldens og Ørstens Sognes Sparebank. Sparebanken vart etablert for å fremje sparing, økonomisk tryggleik og samfunnsutvikling. Verdiane som framleis pregar sparebankane er ansvar, nærleik og engasjement. Desse verdiane ligg framleis til grunn for arbeidet i stiftinga. Vi skal bidra til varige verdiar for samfunnet, slik sparebankane alltid har gjort.

Gjennom utbytte frå vårt eigarskap i Sparebank 1 SMN, gir vi betydelege midlar i gåver til allmennyttige prosjekt på Søre Sunnmøre. Sidan starten i 2023 har vi delt ut 100 mill. i gåver til lag og organisasjonar. Dette skal vi fortsette med.