Vi søkjer bioingeniør

Er du bioingeniør som vil jobbe i eit positivt og inkluderande arbeidsmiljø, og klar for nye utfordringar?

Laboratoriet på Stord er ein del av avdeling for laboratoriemedisin, eitt av seks laboratorium i Helse Fonna. Vi er eit akkreditert laboratoruim med døgnkontinuerleg drift, og her får du variert arbeid innan medisinsk biokjemi og transfusjonsmedisin. Du vil arbeide med topp moderne utstyr og automasjon i eit inkluderande miljø og tett samarbeid med engasjerte, kompetente og stolte medarbeidarar! Vi utfører analysearbeid innan medisinsk biokjemi og immunologi, samt transfusjonsmedisin.

Vi har no eit ledig vikariat fra 01.01.2026 - 31.12.2026, med gode muligheter for fast stilling. Startdato etter avtale.

Stillinga inngår i turnusordning med tredelt vakt og arbeid kvar tredje helg. Vi tilpasser turnus individuelt.

Ta gjerne kontakt dersom du har spørsmål om stillinga - og vil bli ein del av vårt team! Vi gledar oss til å bli kjent med deg!

Kva går jobben ut på?

• Varierte arbeidsoppgåver innan blodbank, hematologi, koagulasjon og medisinsk biokjemi.
• Pasientretta oppgåver innan prøvetaking og preanalyse.
• Spesifikke arbeidsoppgåver knytt til avdelinga.
• Arbeidsoppgåvene blir rullert kontinuerleg.

Kva kompetanse er viktig i denne rolla?

• Norsk autorisasjon som bioingeniør.
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå.
• Relevant praksis/arbeidserfaring frå medisinsk biokjemi/blodbank er ein fordel, men ikkje et krav.
• Gode IKT kunnskaper.

Kva ser vi etter hos deg?

• Fagleg engasjert og lærevillig
• Jobbe strukturert og målretta
• Gode samarbeids- og kommunikasjonsevner
• Sjølvstendig, fokusert og ansvarsbevisst
• Må trivst i eit aktivt miljø med varierte arbeidsoppgåver
• Serviceinnstilt

Kvifor skal du velje oss?

• Variert arbeid innan medisinsk biokjemi og transfusjonsmedisin.
• Eit inkluderande miljø og tett samarbeid med engasjerte, kompetente og stolte medarbeidarar.
• Arbeide med topp moderne utstyr og automasjon.

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.

Helse Fonna ønsker så langt som råd å avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta. 

For å bli betre kjend med oss, kan du sjå her www.helse-fonna.no.