Logoped

Læring, meistring, fysikalsk medisin og rehabilitering søkjer vikar for logoped frå snarast og fram til 01.03.2027.

Om seksjonen
Seksjonen er ei av fem i Avdeling for fysikalsk medisin og rehabilitering (AFMR), i Medisinsk klinikk. Seksjonen er tverrfagleg samansett, og yter tenester i stor breidde til pasientar, pårørande og avdelingar rundt om på sjukehuset.

Om stillinga
Som logoped vil du primært jobbe med pasientretta arbeid, utgreiing og behandling, men og rettleiing til pårørande og andre faggrupper rundt pasientane. Det er to logopedstillingar i seksjonen som fortløpande deler på og prioriterer førefallande arbeid.

Arbeidsoppgåver

• Kartlegge og vurdere språk-, tale-, ete- og svelgevanskar hos både born og vaksne
  
• Gi informasjon og rettleiing til pårørande/nærpersonar
  
• Delta i ulike tverrfaglege team
• Delta i undervisning og anna intern fagutvikling
  
• Gjennomføre eigne polikliniske konsultasjonar.
• Delta i utvikling av telemedisinske/digitale tilbod for aktuelle pasientgrupper
• Oppfølging og rettleiing av logopedstudentar
• Sikre god dialog med heimkommunen om behov for logopedisk hjelp etter utskriving

Kvalifikasjonar

• Mastergrad eller tilsvarande godkjenning
• Ynskjeleg med erfaring som logoped i helseinstitusjon.
• Interesse for tverrfagleg/tverretatleg samarbeid.
• Gode kommunikasjonsevner på norsk, både munnleg og skriftleg.
  

Du har:

• gode samarbeidsevner, og du arbeider systematisk og målretta
  
• lyst å jobbe i et tverrfagleg team, samstundes som du også kan jobbe sjølvstendig
  
• interesse for forbetrings- og utviklingsarbeid
  
• ei løysingsorientert tilnærming

Personlege eigenskapar vil bli vektlagt

Vi tilbyr

• ei innhaldsrik stilling i eit dynamisk arbeidsmiljø med arbeidsoppgåver på både individ- og systemnivå
  
• å kunne bli ein del av eit godt arbeidsmiljø med høg kompetanse på mange ulike områder
  
• fagleg og personleg utvikling
• arbeidstid på dagtid, alle kvardagar
• gode pensjons- og forsikringsordningar

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på over 3,6 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. 

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder,  fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.