Frå byggesøknad til vedtak - vi treng deg som får byggesakene til å stå støtt

Kinn kommune søker ein byggesakshandsamar i 100% fast stilling ved avdeling for arealforvalting og byggesak. Valfri kontorplass er Måløy eller Florø. Ansvarsområdet for denne avdelinga omfattar tenester som plan- og byggesak, oppmåling, kart- og geodata, landbruksforvaltning, natur- og miljøforvaltning. Det er idag 23 ansatte på avdelinga.

Vi har varierte arbeidsoppgåver med faglege utfordringar som krev høg kompetanse. Godt samarbeid og kunnskapsdeling mellom fagområda står sentralt i det daglege arbeidet. Dette gjev gode moglegheiter for fagleg utvikling. Hos oss får du høve til å vere med på utviklinga av ein spanande kommune med stort potensiale for vekst.

Som saksbehandler hos oss vil du få jobbe med desse oppgåvene:

• Byggesaks- og klagebehandling

• Dispensasjonsbehandling

• Delesaker

• Forhandskonferanser med søkarar

• Andre oppgåver innan fagfeltet

• Bachelor- eller mastergrad innan ingeniørfag, planfag, jus eller andre relevante fag

• Relevant erfaring frå heile eller delar av ansvarsområdet til stillinga kan kompensere for utdanningskravet

• Gode IT-kunnskapar

• Kunnskap om plan- og bygningslova er ein fordel

• Relevant praksis frå offentleg eller privat sektor er ønskeleg

• Du beherskar norsk godt, både muntleg og skriftleg

• Du må ha høg integritet og vere ansvarsbevisst

• Du er analytisk, strukturert, og kan løyse komplekse problemstillingar

• Du likar å jobbe både sjølvstendig og i samarbeid med kollegaer

• Du må trivst med høgt arbeidstempo og takle endringar

• Personleg egntheit for stillinga vil bli tillagt stor vekt

• Stillinga krev mykje kundekontakt og du må trivst med å følge opp publikum

• Ei interessant stilling med moglegheiter for karriereutvikling

• Eit raust og triveleg arbeidsmiljø

• Eit godt kollegialt fellesskap med mykje arbeidsglede og godt humør

• Lønn og arbeidsvilkår i medhald til tariffavtale og lokale lønnspolitiske retningsliner

• Dekning av flytteutgifter etter kommunalt reglement

• Kommunal pensjons- og forsikringsordning

I Kinn har vi gode fungerande lokalsamfunn, der vi realiserer det store potensiale på kysten, flotte bu- og fritidsområde og ei berekraftig utvikling.  Vi er ein av dei største kommunane i Vestland fylke med våre 17.403 innbyggarar. Som arbeidsgjevar har vi med oss 1632 tilsette, og vi ønskjer deg velkommen med på laget.