Stipendiat - analysemetodeutvikling - tang og tare

Nøkkelinformasjon

Som ledd i NIBIOs satsing på marin bioøkonomi lyser vi ut ei stipendiatstilling i Bodø innanfor metodeutvikling for karakterisering av komplekse karbohydrat og polyfenoler i kaldvassalgar.

Fagleg sett vil stillinga vere tilknytta ph.d.-program ved Nord universitet, og det blir lagt opp til samhandling med, og kursing hos, andre universitet i Europa. 

Stillinga er fireårig med 25 % pliktarbeid knytte til prosjekta til avdelinga.

Hovudoppgåvene til stillinga

Hovudoppgåva til stillinga er å gjennomføre eit doktorgradsarbeid, der hovudtema er utvikling av analysemetodar og karakterisering av kaldtvannstilpassede tang og tare-arter med fokus på uskrivne karbohydrat og polyfenoler. Arktiske makroalgar skil seg frå tropiske artar hovudsakleg på tre område; dei har større sesongvariasjonar i kjemisk samansetning, høgare innhald av bioaktive komponentar, og dei er i mindre grad beskrive i litteraturen.

Ved sida av formalkravene som følgjer Phd-utdanninga, skal 25% av arbeidstida i det fireårige løpet nyttast til å bidra inn i dei pågåande prosjekta til avdelinga (pliktarbeid).

Kvalifikasjonskrav

• Relevant mastergrad i marinbiologi, analytisk kjemi eller liknande
• Oppfylle vilkåra som er definerte for opptak til doktorgradsprogram ved Nord Universitet
• Arbeidserfaring med analysar av makroalgar, herunder bruk av farlege kjemikalier
• Arbeidserfaring med kromatografiske og massespektrometriske teknikker
• Minimum grunnleggande ferdigheiter i norsk språk (skandinavisk) og gode munnlege og skriftlege språkkunnskapar i engelsk

Det er ein fordel om du har

• Erfaring med utvikling og dokumentasjon av analysemetodar
• Førarkort klasse B
• Erfaring frå feltarbeid med tang og tare
• Erfaring med kvadrupol massespektrometer og time-of-flight detektor (QTOF)
• Erfaring med programvare for analytisk kjemi (Chromeleon og MassHunter)

Personlege eigenskapar

• Ansvarsfull, nøyaktig og metodisk, særleg i samband med laboratoriearbeid
• Praktisk anlagd og god ordenssans
• Gode evnar til både samarbeid og sjølvstendig arbeid
• Positiv, initiativrik og nysgjerrig på ny kunnskap og teknologi
• Gode kommunikasjonsevner
• Evner å bidra til eit godt arbeidsmiljø

Vi tilbyr

• Mogelegheit til å jobbe med eit viktig samfunnsoppdrag med fokus på berekraft og framtidsrett forsking
• Utfordrende, spennande og varierte oppgåver i tverrfaglege team
• Ein fleksibel kvardag med mogelegheit til å påverke eigne arbeidsoppgåver
• Eit sterkt fagmiljø med gode kollegaar
• Ein raus personalpolitikk med velferdsordningar og fokus på dei tilsettes ulike livsfaser

Stillinga er plassert i statleg lønnsregulativ som stipendiat kode 1017, årsløn kr 540 000 - 605 000. Avlønning blir vurdert etter utdanning og erfaring. 

Medlemskap i Statens pensjonskasse som inneber ei god tenestepensjonsordning, yrkesskade- og gruppelivsforsikring, og dessutan tilbod om bustadlån til gunstig rente.
 

Korleis søkje på stillinga

CV fyllast ut elektronisk og sendast via lenkje på denne sida, "søk stillinga". I staden for  søknadsbrev ber vi deg svare på nokre spørsmål. Relevante vitnemål og attestar leggjast ved elektronisk.

NIBIO gjennomfører bakgrunnssjekk på aktuelle kandidatar via samarbeidspartnaren vår Semac AS

Video: https://youtu.be/6mZySoUgD2Q

Andre opplysingar

Vi gjer merksam på at opplysningar om søkjaren kan bli gjorde offentlege, jf. Løyve om rett til innsyn i dokument i offentleg verksemd (offentlegloven), § 25. Ein søkjar kan be om å bli unntatt frå oppføring på offentleg søkjarliste. Dersom oppmodinga ikkje blir tatt til følgje, blir søkjaren varsla om dette.

Vi legg vekt på mangfald på arbeidsplassen og oppmodar kvalifiserte kandidatar til å søkje - uavhengig av alder, kjønn, funksjonsevne, hol i CV, nasjonal eller etnisk bakgrunn. Som statleg verksemd har vi mogelegheit til å gi ein positiv særbehandling for søkjarar som har funksjonsnedsetjing, hol i CV eller innvandrarbakgrunn. Positiv særbehandling inneber mellom anna at du lettare vil kome til intervju. Les meir om dette her (https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten).