Rådgjevar - entreprenørskapsutvikling og -opplæring - Malawi

Flora Vidaregåande Skule samarbeider med Youth Code (tidlegare Nkhotakota Youth Organisation- NYO) om fleire entreprenørskapsprosjekt i Nkhotakota District i Malawi. Skulen har arbeid med desse prosjekta sidan 2012. Gjennom Norec (tidlegare Fredskorpset) får vi finansiert ei stilling som skal støtte utviklinga gjennom sin kompetanse. Målet vårt er å skape økonomisk bærekraft i prosjekta våre og betre levevilkåra og miljøet for innbyggarar i Nkhotakota . Vi er på god veg, men det nok av utfordringar å ta i frå. Frå februar 2024 treng vi ein driftige person som kan ta til i eit årsengasjement som del av NOREC sine utvekslingar.

Malawi vert ofte referert til som The warm heart of Africa er kjend for sitt vennlege folk og for ei stor vidde i naturopplevingar. Nkhotakota District har 350,000 innbyggarar og ligg ved breidda av Lake Malawi, Afrikas 3. største innsjø. I kommunesenteret som ligg ved innsjøen bur det kring 35,000 innbyggarar, der er ein innhaldsrik marknad, restaurantar, butikkar og kort veg til lodgar med flotte strender. Deltakarane disponerer eigen bustad.

Arbeidsoppgåver

Rådgjevaren innan entreprenørskap skal vidareutvikle eit karrieresenter for ungdom under yrkesfagutdanning. Dei har ungdom innan fag som sveising, skreddar/design, byggfag, elektro og IKT. Karrieresenteret tilbyr rådgjeving og utdanning innan entreprenørskap til alle elevane. Dei støttar dei også med å skaffe seg jobb, eller starte for seg sjølv under og etter studiet. I tillegg vil rådgjevaren kunne verte involvert i drift av eit kultursenter i tillegg til å arrangere ulike events. Sjå meir om Youth Code på https://www.youth-code.org

Arbeidsoppgåver, rådgjevar entreprenørskap

• opplæring i grunnleggande entreprenørskap ved YouthCode teknisk yrkesfagleg kompetansesenter.
• samarbeide med andre tilsette for å følge opp og formidle lærlingar
• legge til rette for etablering av partnerskap med næringsliv både lokalt og nasjonalt for å støtte arbeidet
• være med å styrke den organisatoriske inntektsbringende verksemda inkludert yrkesfagleg avdeling.
• hjelpe til med innsamling og ressursmobilisering av organisasjonen.
• samarbeide med andre tilsette for å organisere Nkhotakota Annual Music Festival.
• Tilrettelegge for deltaking for ungdom i aktiviteter som feiringer av den internasjonale ungdomsdagen, den internasjonale kvinnedagen og andre funksjoner som er avgjørende for arbeid for å auke ungdom si deltaking i samfunnet.
• hjelpe til med å føre tilsyn med aktivitetene ved Nkhotakota kultursenter
• bidra til å auke organisasjonens synlighet gjennom bruk av sosiale medieplattformer
• utarbeide månadlege rapportar om aktiviteten.
  Etter nærare avtale kan vi formidle kontakt med Youth Code for nærare spørsmål om stillinga.

Kvalifikasjonar

Relevant utdanning eller erfaring knytt til eit eller fleire av fagfelta; entreprenørskap, økonomistyring, rettleiing, rådgjeving og event-management.
Minimum 2 års relevant arbeidserfaring.
God engelsk munnleg og skriftleg.
Alder 18-35 år, jfr. Norec sine retningslinjer.
Framlegge godkjent politiattest ved oppstart av arbeidsforholdet.

Personlege eigenskapar

Evne til å sjå moglegheiter og eit positivt livssyn.
Resultatorientert med handlekraft.
Evne og vilje til å tilpasse seg ein ny kultur.
Evne til å motivere seg sjølv og andre, også i motgang.

Vi tilbyr

Kontrakt på 13 mnd, oppstart i Februar 2024.
Krav om deltaking på førebuingskurs (1 veke) før oppstart i regi av Norec.
Løn etter Norec sine satsar, kring 20,000 kr per mnd.
Dekt reiseutgifter, bustad og forsikringar i Malawi.
Atterhald om finansiering frå Norec.
Meir informasjon får du hos Tine Holvik (97168809).
Send søknad og CV på engelsk. Søknadsfrist 30.10.23