Hus i Sandane sentrum kanskje til salgs

LITE ENERGIEFFEKTIVT? Dette huset har blitt definert som "lite energieffektivt", og det er vel fordi det er gammalt og har dei opprinnelege glasrutene, som er tynne og litt 'småbulkete' -- noko eg personleg har høg sans for.

Familien som bur i huset no, syns der burde være ei varmepumpe i stova, men då eg og familien min budde der, fraus vi aldri -- når det kom ned i ti--tjue minusgrader ute, fyrte vi berre jevnt i vedovnen på kjøkenet og i peisovnen (med glasdør) i stova. Veggane er slett ikkje av dei "kaldaste": Dei er lafta, cirka åtte cm tjukke + lekter/luftlag og panel både utvendig og innvendig.

SOLIDE MATERIALER: Alt av treverk i dette huset er av ypperste kvalitet: "usliteleg" panel utvendig; der er knapt skifta ei einaste fjøl, heller ikkje på vestveggen, etter over hundre og ti år med vestlandsvær ifrå vest); edelgran og malmfuru i golva i andre etasje også i første etasje, bortsett frå i kjøkenet og stove der det er nyare tjukk treparkett.

KJØKEN OG BAD: Desse romma har ikkje spesielt ny/pen innredning, men er i bra stand. Badet i andre etasje fekk nytt golvbelegg -- svært nøyaktig lagt på plass (haugevis av vanskelige vinklar/hjørner) av Tore Støylen, og har og nytt toalett (2022).


ELEKTRISK: Delar av det elekstriske anlegget blei oppgradert i 2009, resten er frå midten av åttitalet, trur eg (installert av sonen til dei dåværande eigarane, så han var svært raus med antalet stikkontakter -- som er høgt!). Sikringsskapet var oppgradert etter ny standard i 2019, trur eg det var.

SKIKKELEG DRENERT: Terrenget inntil huset er skikkeleg drenert, djupt ned, grus, dreneringsplast -- av Fure Minigravemaskin, 2009 -- slik at vatn/regnvatn renn utfor hammaren; så kjellaren er tørr.

FÔRA PIPELØP OG FEM OVNAR/PEISAR: Begge pipeløpa vart fôra av fagfolk i 2009; det eine med Leca-blokker/rør, det andre med rør av syrefast stål. Samtidig vart det montert peisovn og vedovn i kjellar, vedovn i kjøken, peisovn i stove og vedovn i kontor/soverom i andre etasje -- alle godkjent av branninspektør.

"FASTLIGGANDE" SKIFERTAK: Taket på huset er dekt av skiferheller som ligg godt, for dei er festa med første generasjon galvaniserte spikrar. Aluminiumsbeslag på kantane av taket og pipehattar og takrenner er av nyare dato.

TO BILAR: Dobbel garasje med god plass til to bilar; det er godt med plass framfor garasjen, slik at ein bil eller to kan stå parkert der.

HAGE: Det er litt hage på vestsida av garasjen, og litt hage framfor huset og, samt hageplass på sjøsida av huset; der er plass til platting / uteplass m.m.

ALT I ALT eit tvers igjennom solid og vakkert hus, ikkje kjempestort, men med svært gode planløysingar og massevis av gammal sjarm! Må òg nevne alle dei innebygde skapa overalt, store og små -- inkludert tre "bortgøymde" oppbevaringsskap som ein ikkje utan vidare ser.