2-mannsbustad Vatnehagen

Moderne leilegheit i tomannsbustad på ei kjempefin tomt i det nye bustadfeltet Vatnehagen 2. Bustaden har gode uteareal med balkong mot sør, og treplatt på terreng på vestsida. God planløysing der stue og kjøkken er utforma som delvis opent areal med god kontakt mellom romma. Store vindauge mot sør slik utsikta kan nytast både frå kjøkken og stue. Her er bad i begge etasjar, og eit soverom nede og to oppe. Separat vaskerom i underetasjen, og to gode boder i bakkant av carporten. Leilegheita har ein parkeringsplass i carport i tilknyting til bustaden, og godt med parkeringsareal på gardsplassen. Privat innkøyring til carport og biloppstillingsplass på sørsida, og veg og parkeringsareal er ferdig asfaltert.

2-mannsbustaden har eit moderne uttrykk der arkitekten har valgt å framheve det moderne uttrykket ved å bruke forskjellige fargar og materialar. Skiftet mellom ulike typar bordkledning er med på å skape liv i fasadane, og gjer bustaden ekstra attraktiv.

Plassering

I Vatnehagen bor du i eit roleg og idyllisk bustadområde med nærheit til det aller meste. Sentral plassering med gangavstand til barnehage, daglegvarebutikk, kafe, treningssenter, småbåthavn m.m.

I nærområdet er her fleire flotte friluftsområder med fine turstiar, og like i nærleiken ligg Gurinesbukta, eit nydeleg rekreasjonsområde med badeplass. Her er fleire fine fjellturar i nærområdet, og turstien til Ulvestadsætra og vidare til Ulvestadvatnet og Otrefjellet er vel den som er aller mest populær. Området har svært gode vilkår for friluftsliv med ferskvatn og eit flott fjellandskap. Ein variert natur gir gode føresetnader for ulike aktivitetar for alle.

Nokre få minutt unna med bil ligg Eidet barne- og ungdomsskule, Eidet kulturhall og IL Ravn sitt idrettsanlegg. På Eidet ligg også to daglegvarebutikkar, diverse andre butikkar, frisør, legekontor, tannlege, Eidet omsorgssenter, bensinstasjon med gatekjøkken m.m. Køyretid til Digerneset 15 minutt, til Moa 25 minutt, og til Ålesund sentrum via Ellingsøya ca. 35 minutt.

Beskriving av leveransen

Leilegheita vert levert klar til innflytting med god standard. Om ønskjeleg kan kjøpar velge anna kjøkken- og baderomsinnreiing frå Kvik enn den som er med i leveransen, og velge type golv på tørre rom.

Følgjande er med i leveransen:

• Ferdig malte gipsveggar og gipstak med listefrie overgangar
• Flislagte bad i begge etasjar
• Ferdig lagt laminatgolv av god kvalitet
• Kjøkkeninnreiing frå Kvik med integrerte kvitevarer frå Bosch
• Baderomsinnreiing frå Kvik på begge bad
• Veggmontert toalett på begge bad
• Dusjveggar på begge bad
• Skyvedørsgarderobe på stort soverom
• Garderobeskap på dei to minste soveromma
• Varme i golv på begge bad, vaskerom og ytre del av gang i u.etg.
• Spottar i tak på stue/kjøkken, gang og begge bad
• Balansert ventilasjon frå Villavent
• Stålpipe med ferdig montert eldstad type Ild10
• Rør i rør system
• Frostsikker utekrane
• Biloppstillingsplass i carport
• Dekke i carport støypt i betong
• Asfaltert veg og parkeringsareal

Fordelar ved kjøp av heilt ny leilegheit

Det er mange fordelar ved kjøp av ny leilegheit kontra det å kjøpe brukt, og berre tenk på den gode følelsen av å flytte inn i ei heilt ny leilegheit som ingen har budd i før.

• Alt er nytt, ikkje behov for oppussing
• Meir energieffektiv bustad, lave kostnader til oppvarming
• Lave kostnader til vedlikehald
• Moglegheit til å påverke utforming og innreiing
• Tidsriktig og praktisk bustad
• Eit sikrare kjøp, garantitid om feil oppstår
• Du slepp hektiske budrundar
• Du kan vurdere i fred og ro, og kjøpe til fast pris
• God tid til å førebu flytting
• Svært lave kjøpsomkostningar, berre omkostningar til tinglying av skøyte på kr 22 000,-
• Bygd etter ny teknisk forskrift (TEK 17)

Diverse

Den ledige leilegheita nærmar seg ferdigstilling, men her er framleis moglegheiter å gjere enkelte valg.

Fiber vert lagt fram til bustaden, abonnement kan kjøpar bestille med Tafjord Marked AS.

For meir informasjon ta kontakt med Møre Hus v/Jofrid Hatlehol tlf. 970 12 140.