Utløpt

Seksjonsleiar ambulante tenester

Arbeidsgiver: Helse Bergen - Avdeling for rusmedisin
Stillingstittel: Seksjonsleiar ambulante tenester
Frist: 26.08.2018
Ansettelsesform: Fast

Bli kjent med Haukeland universitetssjukehus

Avdeling for rusmedisin, Haukeland universitetssjukehus har ansvar for behandling og oppfølging av menneske med skadeleg bruk av rusmiddel og avhengigheit. Avdeling for rusmedisin (AFR) har om lag 340 tilsette. Avdelinga har tre seksjonar for døgnbehandling AFR Askøy, AFR Tertnes og AFR Floen, samt to seksjonar for polikliniske tenester AFR poliklinikk og AFR LAR poliklinikk. I tillegg har AFR ein eigen seksjon for forsking og ein seksjon for LIS-legar. Seksjon ambulante tenester blir ein ny seksjon i AFR med målsetting om å sikre tidlegare oppstart av gode behandlingsløp, samt hjelpe menneske med rusmiddelavhengigheit som ikkje nyttiggjer seg av poliklinisk behandling.

Poliklinikkane har hatt eigne team for ambulerande verksemd. AFR vil no styrkje denne tenesta gjennom å opprette ny Seksjon for ambulante tenester. Den nye seksjonen skal stå sentralt i avdelinga si satsing på fleksible og ambulante tenester. Det er ønskelig at seksjonsleiar skal være i førarsetet for denne utviklinga, gjennom oppbygging av ein helt ny seksjon, differensiering og klargjering av oppgåver og kliniske målsettingar, kompetansebygging og utvikling av nye samarbeidsarenaer og -formar.

I stillinga vil du få varierte arbeidsoppgåver og faglege utfordringar. Du vil vidare vere med på å utforme det framtidige innhaldet i eininga, din eigen stilling og arbeidsdag.

Tiltreding i stillinga så snart som mogeleg. Stillinga rapporterer til avdelingsdirektør i AFR og inngår i leiargruppa i AFR.

Arbeidsoppgåver

Stillinga innehar fagleg ansvar for tenesta, samt personal- og økonomiansvar. Seksjonsleiar skal sjå til at dei samla ressursane blir nytta til det beste for pasientane.
Sentral arbeidsoppgåve vil vere å byggje opp seksjonen. Her inngår mellom anna:
Definere målgrupper som er i behov for ambulante tenester
Differensiere og klargjere klinisk målsettingar og oppgåver
Utvikle det faglege innhaldet i tilbodet
Bygge kompetanse i seksjonen
Vidareutvikle samarbeidsarenaer med fyrstelinja, samt mot somatiske einingar og psykisk helsevern i HUS
Undervisnings- og informasjonsarbeid om tilbodet
Utvikle/ta i bruk system for ivaretaking av logistikkutfordringar, lovverk og rammer for spesialisthelsetenesta
Dokumentasjon og evaluering av verksemda

Kvalifikasjonar

Det er ynskjeleg at du har erfaring og kompetanse innanfor eit eller fleire av desse områda:
Kliniske vurderingar av menneske med alvorlege ruslidingar og alvorlege psykiske lidingar
Fagutvikling, undervising og kompetanseutvikling
Utviklingsarbeid både i høve til organisatoriske tilhøve og tenesteinnhald
Leiing av eining innan spesialisthelsetenesta
Klinisk erfaring med pasientar med sjølvmords- og valdsproblematikk, LAR- og ROP-pasientar
Du må ha utdanning innan psykologi, medisin, sjukepleie, sosialt arbeid eller vernepleie.

Utdanning

Høgskule/universitet, hovudfag / mastergrad
Profesjonsstudium

Eigenskapar

Vi søkjer etter deg som:
har god fagleg vurderingsevne, arbeider målretta og strukturert
er resultatorientert
har gode samarbeidsevner og er initiativrik
er god til å kommunisere og har evne til å motivere, observere og lytte
kan arbeide godt både sjølvstendig og i team
har god systemforståing
har engasjement for fagfeltet/pasientgruppa
er opptatt av forbetring av tenestene

Vi tilbyr

Stillingsbrøk: 100%
Løn etter avtale
Gode pensjons- og forsikringsordningar
Eit aktivt, triveleg og inkluderande arbeidsmiljø
Eit engasjert og godt arbeidsmiljø med kompetente og stolte medarbeidarar
Ein viktig og interessant jobb i norsk helsevesen

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Lederkategori: Leder
Sted: Østre Murallmenningen 7, 5012 Bergen
Bransje: Helse og omsorg
Stillingsfunksjon: Lege,; Helsepersonell / Psykolog,; Helsepersonell / Vernepleier/miljøterapeut,; Sykepleier,; Sosionom