Utløpt

Psykolog

Arbeidsgiver: Helse Bergen - ReHabiliteringsklinikken, Habiliteringsavdelinga
Stillingstittel: Psykolog
Frist: 27.04.2018
Ansettelsesform: Vikariat

Bli kjent med Haukeland universitetssjukehus

Har du lyst på nye utfordringar? Er du interessert i habilitering?Habiliteringsavdelinga for vaksne (HAVO) har ledig 1 års vikariat for psykolog i 100% stilling.

HAVO er ein del av ReHabiliteringsklinikken, som i tillegg består av Avdeling for fysikalsk medisin og rehabilitering (AFMR) og Regionalt kompetansesenteret for habilitering og rehabilitering. Habilitering av vaksne er retta mot personar over 18 år med medfødd eller tidleg erverva funksjonsnedsetting. Fagfeltet er interessant, variert og grensar opp mot ulike spesialitetar. I pasientoppfølginga inngår ofte samarbeid med pårørande, kommunale instansar, psykisk helsevern og andre einingar i spesialisthelsetenesta.

Diagnostisering av grunnlidingar som utviklingshemning og/eller autismespekterforstyrringar er ei av dei mest sentrale oppgåvene. Det er særleg unge vaksne som treng utgreiing og diagnostisering. Problemstillingane er ofte samansette med ulik tilleggsproblematikk som syndrom, psykiske lidingar og utfordrande åtferd.

HAVO er tverrfagleg samansett og den utlyste stillinga er vikariat for ei av 6 stillingar for psykologar. Psykologane innehar følgjande spesialitetar; klinisk vaksenpsykologi, habilitering og nevropsykologi. Dei andre yrkesgruppene er vernepleiar, hjelpepleiar, ergoterapeut og overlege (spesialist i nevrologi).

Arbeidsforma vår vekslar mellom poliklinikk og ambulant oppfølging i pasienten sitt heimemiljø.

Tilsetjingsdato er 01.06.2018 eller etter nærare avtale.

Habiliteringsavdelinga er for tiden lokalisert i Sandviken, Dr. Martens. 10 min med buss frå Bergen Sentrum. Sjå elles våre internettsider: www.helse-bergen.no

Arbeidsoppgåver

Utgreiing og diagnostisering
Råd og rettleiing til pasientar og samarbeidspartar
Tverrfagleg samarbeid
Bidra i fagutvikling
Kurs, undervising og pasientopplæring kan vere aktuelt

Kvalifikasjonar

Norsk autorisasjon
Kjennskap til og interesse for fagfeltet
Erfaring med utgreiing og testing
Søkjar må kommunisere godt på norsk, både skriftleg og munnleg

Utdanning

Profesjonsstudium
Psykolog
Psykologi

Eigenskapar

Gode samarbeids- og kommunikasjonsevner
Evne til å arbeide målretta og sjølvstendig
Trivast med tverrfagleg samarbeid
God munnleg og skriftleg framstillingsevne

Vi tilbyr

Stillingsbrøk: 100%
Spennande utfordringar og oppgåver
Opplæring og rettleiing
Fleksitidsavtale

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Sted: Hatleveien 7D, 5038 Bergen
Bransje: Helse og omsorg
Stillingsfunksjon: Helsepersonell / Psykolog