Postsekretær/helsesekretær ved Klinisk forskingspost
Helse Bergen
- Frist 29.4.2018
- Ansettelsesform Engasjement
Postsekretær/helsesekretær ved Klinisk forskingspost
Ved Seksjon for forsking og innovasjon, Forskings- og utviklingsavdelinga er det ledig eit 100% engasjement som postsekretær/helsesekretær knytt til vår kliniske forskingspost. Engasjement er for eitt år med moglegheit for forlenging.
Ved forskingsposten blir det gjennomført kliniske behandlingsstudiar, og posten har i dag 10 sjukepleiarar og to overlegar. I tillegg kjem tre sjukepleiarar som arbeider som monitorar for kliniske studiar, samt ein farmasøyt. Klinisk forskingspost har senge- og poliklinikkrom samt laboratorium i både Marie Joys´ hus (born) og i Sentralblokka, Haukeland universitetssjukehus (vaksne).
Verksemda ved klinisk forskingspost vert utført i tett samarbeid med forskarar/legar ved alle sjukehusets kliniske avdelingar. Forskingsposten har for tida auka pågang av nye kliniske studiar mellom anna i samband med nasjonalt program for klinisk behandlingsforsking. Den utlyste stillinga inneber ansvar for pasientflyt og logistikk med moglegheit for å delta også i studierelaterte oppgåver.
Arbeidsoppgåver
- Generell drift, ekspedisjon, logistikk omkring pasientflyt og føring av timebøker i DIPS
- Bestilling og koordinering av blodprøver og andre undersøkingar
- Samkjøring med timar, visittar og undersøkingar ved andre avdelingar
- Tilrettelegging og planlegging av pasientreiser
- Skjemaføring og oversikt over aktivitetar
- Tilrettelegging av pasientpermar til ulike studiar og arkivering
- Kontroll av utstyr og behaldning (haldbarheit), bestilling av nye varer mv.
- Transport av medikament og blodprøver etc. mellom til dømes forskingsposten og apotek samt laboratorium
- Bidra til organisering av undervising og kurs samt hjelpe til ved konferansar og andre arrangement
- Mellom studierelaterte oppgåver inngår mellom anna blodprøvetaking (erfaring med dette tel positivt; om søkjar ikkje har erfaring, vil opplæring bli gitt) og føring av studiedata i rapporteringsskjema
- Andre oppgåver relatert til pågåande kliniske studiar og generell drift ved posten
Kvalifikasjonar
- Relevant utdanning innan kontorfag/administrasjon og helsefag
- Inngåande kjennskap og krav om erfaring i bruk av elektronisk pasientjournalsystem (DIPS)
- Fordel med erfaring med blodprøvetaking og direkte pasientkontakt
Utdanning
- Administrasjon/organisasjon/leiing
- Helsesekretær
- Høgskule/universitet, årsstudie / grunnfag
- Vidaregåande skule
Språk
- Engelsk
- Norsk
Eigenskapar
- Gode evner til å organisere og skape struktur i pasientlogistikk
- Gode kommunikasjonsevner og serviceinnstilt (direkte pasientkontakt)
- Grundig og fleksibel
- Evne til å jobbe sjølvstendig, men også til å samarbeide tett i team
- Allsidig og villig til å ta på seg oppgåver utover vanleg sekretærarbeid
- Innstilt på hektisk og dynamisk arbeidskvardag
- Å vere personleg eigna til stillinga vil bli særlig vektlagt
Vi tilbyr
- Stillingsbrøk: 100%
- Utvida sekretærfunksjon i eit energisk og positivt arbeidsmiljø
- Sentral rolle i møte med pasientar som kjem til forskingsposten
- Meiningsfullt arbeid ved at (ofte svært sjuke) pasientar får moglegheit til å prøve ut nye medisinar
- Fleksibel arbeidstid og lønn etter avtale
Om arbeidsgiveren
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.
- Sektor: Offentlig
- Sted: Haukelandsveien 22, 5021 Bergen
- Bransje: Helse og omsorg, Offentlig administrasjon
- Stillingsfunksjon: Helsesekretær, Sekretær
- FINN-kode 117195003
- Sist endret