Utløpt

Ledig fast stilling som vaken nattevakt for sjukepleiar/vernepleiar med arbeid p.t. kvar 4. helg

Arbeidsgiver: Helse Bergen - Klinikk psykisk helsevern for barn og unge, Akuttpost
Stillingstittel: Ledig fast stilling som vaken nattevakt for sjukepleiar/vernepleiar med arbeid p.t. kvar 4. helg
Frist: 08.04.2018
Ansettelsesform: Fast

Bli kjent med Haukeland universitetssjukehus

Vi har ledig fast 68% stilling som vaken nattevakt.

Akuttposten er ein døgnbemanna post med kapasitet til 9 pasientar. Vi held til i 2. etg. i det nye Barne- og ungdomssjukehuset på Haukeland universitetssjukehus. Målgruppa vår er barn/ungdom i alderen 0-18 år med psykiske lidingar, som er innlagd frivillig, på foreldresamtykke eller under tvang.

Oppgåvene våre er knytt til observasjon, utgreiing, diagnostisering og utarbeiding/ utprøving av tiltak og behandling. Posten er tverrfagleg bemanna med miljøterapeutar med hovudvekt på sjukepleiarar og vernepleiarar, samt barnevernspedagogar og studentar innan helse- og sosialfag. På behandlarsida har vi barne- og ungdomspsykiater, psykologspesialistar samt legar i spesialisering (LIS).

Alle i personalgruppa skal fortrinnsvis ha særskild kompetanse for å arbeide med ungdom med psykisk liding. For å oppretthalde samansettinga av personalgruppa oppfordrast menn til å søke.

Vedkommande som får tilbod om tilsetjing, må leggje fram tilfredsstillande politiattest (vandel), jfr Lov om helsepersonell § 20a.

Helse Bergen ønskjer som hovudregel å tilby fulle stillingar. Dersom du ønskjer full stilling, kan du få dette ved delt stilling ved Bemanningssenteret i føretaket. Tilsette ved Bemanningssenteret arbeider ved ulike einingar på sjukehuset, noko som gir deg breiddeerfaring frå fleire fagfelt. Stillinga i Bemanningssenteret blir tilpassa arbeidsplanen ved avdelinga og ein vil kunne få dagvakter om ønskjeleg.

Arbeidsoppgåver

Pasientoppfølging/miljøkontakt i post - observere, kartleggje og dokumentere pasientane sine behov samt iverksetje miljøterapeutiske tiltak
Å ha kontakt med pårørande blir sett på som ein naturleg del av det miljøterapeutiske arbeidet
Som nattevakt vil du ikkje bli miljøkontakt eller delta på miniteam omkring pasientbehandlinga, men ditt bidrag/observasjon som vaken nattevakt vil vere med i den totale vurderinga av pasienten sin psykiske tilstand
Mottak av pasientar saman med vaktlege
Dokumentere pasientane sine behov samt iverksetje miljøterapeutiske tiltak
Vaktansvar og medisinansvar

Kvalifikasjonar

Norsk autorisasjon
Erfaring innan psykisk helsearbeid
Fagleg engasjement innan psykisk helsearbeid
Må ha grunnleggjande IKT-kompetanse (Windows OS og Office)
Ønskjeleg med kunnskap om EPJ (elektronisk pasientjournal)
Må meistre norsk, både munnleg og skriftleg godt
Det blir lagt vekt på å vere personleg eigna

Utdanning

Høgskule/universitet, diplom-/ bachelorgrad
Sjukepleiar/vernepleiar

Språk

Norsk

Eigenskapar

Vi ønskjer medarbeidarar som:
har respekt for den enkelte pasient
er sjølvstendige, løysingsorienterte og målretta
har god struktur, men samstundes evne til å vere fleksibel
har gode kommunikasjonsevner
har evner til å førebyggje konfliktar og aggresjon, og å ivareta og handtere engstelege og/eller agiterte pasientar
er tilpassingsdyktige og taklar stressande situasjonar med ro og fagleg haldning
bidrar til eit godt arbeidsmiljø
trivst i eit aktivt og travelt miljø og har høg arbeidsmoral

Vi tilbyr

Stillingsbrøk: 68-100%
Arbeid pt kvar 4. helg
Opplæringsvakter samt fadderordning
Triveleg arbeidsmiljø
Høgt fagleg nivå
Internundervising
Rettleiing/TERMA i gruppe kvar 4. onsdag
Kursing i TERMA (terapeutisk møte med aggresjon)
Lønn i samsvar med gjeldande overeinskomst
Medlemskap i pensjonsordning, 2 % pensjonstrekk, yrkesskadeforsikring, gruppelivsforsikring og tenestereiseforsikring
Pbu er ein IA- bedrift, inkluderande arbeidsliv for ivaretaking av arbeidstakar ved sjukdom

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Sted: Haukelandsbakken 15, 5021 Bergen
Bransje: Helse og omsorg
Stillingsfunksjon: Sykepleier,; Helsepersonell / Vernepleier/miljøterapeut,; Sykepleier / Psykiatri