Utløpt

Klinikkdirektør Øyane DPS

Arbeidsgiver: Helse Bergen - Divisjon psykisk helsevern
Stillingstittel: Klinikkdirektør Øyane DPS
Frist: 30.01.2018
Ansettelsesform: Fast

Bli kjent med Haukeland universitetssjukehus

Øyane DPS er eit lokalsjukehus innan psykisk helsevern for vaksne. Vi tilbyr tenester til 65.000 innbyggjarar vest i Hordaland - Fjell, Sund, Øygarden og Askøy.

Hovudoppgåvene våre er vurdering, diagnostisering, behandling og rehabilitering av pasientar med ulike psykiske lidingar. Vi har oppsøkjande team, poliklinikkar, dag- og døgnplassar. I tillegg utdannar vi helsepersonell og gir opplæring til pasientar og pårørande.

Det er om lag 120 tilsette ved Øyane DPS med eit budsjett på 68 millionar kroner. Vi har ei tverrfagleg gruppe av tilsette, som består av psykiatrar, LIS-legar, psykologspesialistar, psykologar, psykiatriske sjukepleiarar, vernepleiarar, fysio-, billed- og treningsterapeutar, sosionomar, merkantilt tilsette m.fl.

I tett samarbeid med kommunehelsetenesta og fastlegar er Øyane DPS ein viktig ressurs i utviklinga av framtidsretta og gode tenester til befolkninga i inntaksområdet. Vi forventar at den nye klinikkdirektøren bidreg til å vidareutvikle tilboda til pasientane våre . Vi forventar og at klinikkdirektøren ivaretek rolla som kulturbyggjar i Øyane DPS og vil sørgje for å bidra til at vi fungerer som eit positivt og samansveisa fagleg fellesskap.

Vi ønskjer oss ein klinikkdirektør med solide kunnskapar om psykisk helsevern samt vilje til å prioritere satsinga på det pasientnære, kliniske arbeidet. Som klinikkdirektør vil du rapportere til divisjonsdirektør og inngå i divisjonsleiinga i Divisjon psykisk helsevern.

Arbeidsoppgåver

Sørgje for at klinikken skapar effektive pasientløp gjennom god planlegging, logistikk og samhandling internt og eksternt
Gjennomføre strategi-, verdi- og haldningsarbeid
Sikre utvikling av god pasienttilfredsheit og rett medisinsk prioritering
Sikre hensiktsmessig samhandling med primærhelsetenesta i opptaksområdet, dei andre einingane i divisjonen, universitet og høgskular
Sikre optimal koordinering av den daglege drifta
Ha totalansvar for økonomi, personale, drift, fag og kvalitet
Stimulere til opplæring, utdanning og forsking
Det er ei føresetnad at du kan delta i klinisk arbeid

Kvalifikasjonar

Høgare helsefagleg profesjonsutdanning, spesialist innan psykisk helsevern
Solid kunnskap om psykisk helsevern og relevant leiarerfaring
Erfaring frå endring- og forbetringsprosessar
Kunnskap og erfaring med kompetanseutvikling, forsking- og strategiarbeid
Erfaring frå samarbeid med kommune, universitet og andre samarbeidsarenaer

Utdanning

Medisin
Profesjonsstudium
Psykologi
Spesialist innan psykisk helsevern
Vidareutdanning / Tilleggsutdanning utover oppnådd grad

Eigenskapar

Evne til å sjå og tenkje heilskap
Evne til å kombinere god leiing med høgt faglig fokus
God gjennomføringsevne
Kommuniserer godt med ulike grupper
Vektlegg tverrfagleg samarbeid internt og eksternt
Trivst med å motivere og samle dei tilsette om felles mål
God økonomi- og organisasjonsforståing
Strukturert og planmessig i arbeidet
Inkluderande og samhandlande leiarstil

Vi tilbyr

Stillingsbrøk: 100%
Ei spennande og utfordrande leiarstilling i eit levande kompetansemiljø
Lønn etter avtale
Gode forsikrings- og pensjonsordningar

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Lederkategori: Direktør
Sted: Blombakkane 75, 5353 Straume
Bransje: Helse og omsorg
Stillingsfunksjon: Lege / Psykiater,; Helsepersonell,; Helsepersonell / Psykolog