Prosjekteringsleiar

I Rogaland er det ei stor auke i samferdselsprosjekt, blant anna ved Bussveg, Bypakke Nord-Jæren og Haugalandspakken. Statens vegvesen har ansvar for planlegging og prosjektering av desse prosjekta, og treng dyktige fagfolk for å møte den auka arbeidsmengda. Vil DU vera med og utvikla samferdselsnettet i regionen?

 I Statens vegvesen Region vest, Ressursavdelinga, har vi ledig stilling som prosjekteringsleiar ved planseksjonen i Stavanger. Er du samfunnsengasjert og ønskjer å bruke din kompetanse til å påverke val og utforming av vegprosjekt, kan vi by på mange utfordringar.

Vi på planseksjonen har ansvar for å leie planlegginga av store og små investeringsprosjekt i Region vest. Prosjekta varierer frå store veganlegg på riks- og fylkesvegnettet til bygateprosjekt, miljøgateprosjekt, gang- og sykkelvegtiltak, trafikksikringstiltak, støyskjerming, m.m. Planseksjonen i Stavanger er eit samla fagmiljø med over 50 medarbeidarar med kompetanse innan planprosjektleiing, vegplanlegging, landskap og arkitektur, arealplanlegging, natur- og kulturmiljø.

 Arbeidsoppgåver kan vere:

• leiing og koordinering av fagområde innan veg- og gateprosjektering
• involvering og god kommunikasjon med interne og eksterne samarbeidspartar
• utarbeide byggjeplanar
• oppfølging i byggefasen
• bidra til utvikling av prosjekteringsmiljøet
• ansvar for konkurransegrunnlag/anbodsdokument
• anskaffing og styring av konsulentoppdrag ved behov
• andre aktuelle oppgåver

 Kvalifikasjonskrav:

• utdanning frå høgskule eller universitet på ingeniør- eller bachelornivå, min. 3 år.
• minimum 3 års relevant erfaring
• erfaring med vegprosjektering
• erfaring med å leie eller koordinere oppgåver

 For kandidatar med omfattande relevant erfaring, og som er spesielt godt eigna for stillinga, kan ein fråvike kvalifikasjonskravet.

 Det er vidare ønskjeleg at du har:

• evne til å styre, koordinere og samordne oppgåver
• vilje til å gjennomføre oppgåver
• gode kommunikasjonsevner, munnleg og skriftleg
• erfaring med planlegging etter plan og bygningslova
• evne til å tenkje nytt og ha eit heilskapleg perspektiv
• erfaring og kompetanse innan modellbasert planlegging

 Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT (www.nokut.no).

 Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert fagmiljø som deler kunnskap og jobbar tett saman. Vi gir deg oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

 Vi tilbyr også desse goda:

• introduksjonsprogram og fadderordning
• fleksitid og gode ordningar for avspasering
• pensjonsordning og høve til å få lån i Statens pensjonskasse
• etatsskolar og gode høve for fagleg påfyll

 Lønna blir avtalt nærare i samsvar med lønnspolitikken vår. Statens vegvesen skal vere prega av mangfald, og dei tilsette hjå oss skal spegle befolkninga. Vi legg vekt på å leggje arbeidsforholda til rette dersom du har behov for det.

 Vi gjer merksam på at søkjarlista kan verte offentleggjord,  sjølv om du har bedt om unntak frå denne. Du vil i så fall verte varsla.

*LI-PRIORITY