Utløpt

Rådgjevar i pedagogikk ved regionalt utdanningssenter for legar i spesialisering (RegUt)

Arbeidsgiver: Helse Bergen
Stillingstittel: Rådgjevar i pedagogikk ved regionalt utdanningssenter for legar i spesialisering (RegUt)
Frist: 21.11.2017
Ansettelsesform: Fast

Bli kjent med Haukeland universitetssjukehus

Vil du vere med å forme morgondagens utdanning av legespesialistar?

Vi har ein ledig nyoppretta 50% rådgjevarstilling i medisinsk pedagogikk ved Regionalt utdanningssenter for legar i spesialisering. Det kan verte aktuelt å auke opp stillinga til 100%.

Utdanning av helsepersonell er ei av kjerneoppgåvene til spesialisthelsetenesta og har stor tyding for pasientbehandlinga. I samband med innføring av ny modell for spesialistutdanninga av legar, er det etablert eit Regionalt Utdanningssenter (RegUt) i Helse region vest som skal ha det overordna regionale ansvaret for utdanningskvalitet knytt til legar i spesialisering. Ny spesialitetsstruktur skal auke kvaliteten innan spesialistutdanninga, mellom anna gjennom innføring og vurdering av læringsmål, bruk av moderne pedagogiske metodar i alle læringsaktivitetar og auka satsing på rettleiing og supervisjon. Det er og innført obligatoriske læringsmål innan kommunikasjon og pedagogikk for alle legar i spesialisering.

Senteret er lagt til Haukeland universitetssjukehus og går inn i ei tverregional ordning for å sikre nasjonal og samordna spesialistutdanning. Ny spesialiststruktur er ein kvalitetsreform som skal vere med å auke kvaliteten innan spesialistutdanningane. Senteret vil få ei sentral rolle i å koordinere og delegere fagspesifikke kurs som vert krevd i spesialitetane.

I spesialistutdanninga av legar er teori (undervising) og klinisk praksis under rettleiing dei viktige læringsaktivitetar for utvikling av fagkompetanse. Utdanningssenteret skal bidra til å utvikle nye pedagogiske verkemiddel som simulering og e-læring, kvalitetssikre læringsaktivitetar og sikre at gode metodar for prøving av læringsutbytte vert brukt. Senteret skal også tilby rettleiarkurs og gjennomføre tiltak for å styrkje den pedagogiske kompetansen i spesialistutdanninga av legar.

Senteret er organisatorisk plassert under Seksjon for fag og utdanning i Forskings- og utviklingsavdelinga i Helse Bergen HF. Seksjonen har eit strategisk og koordinerande ansvar for utdanning og kompetansebygging innan Helse Bergen og har eit utstrakt samarbeid med helseføretaket sine einingar og eksterne aktørar som Universitetet i Bergen og samarbeidande høgskular. Senteret deltek aktivt i regionale og nasjonale råd/utval.

Vi søkjer ein engasjert person med kunnskap og interesse for pedagogikk som skal vere sentral i arbeidet med å utvikle regionalt utdanningssenter for legar i spesialisering. Du bør ha kjennskap til helsevesenet og erfaring frå rettleiing, utdanning og trening av helsepersonell. Det vil bli lagt stor vekt på personleg eigenhet.

Pedagogisk rådgjevar vil ha omfattande kontakt med dei andre regionale utdanningssentra, føretak i regionen samt høgskular og universitet. Stillinga vil medføre noko reiseverksemd til dei andre Helseføretak.

Arbeidsoppgåver

Pedagogisk rådgjevar vil mellom anna ha følgjande oppgåver;
Ta aktiv del i å utvikle, etablere og delta i rettleiingskurs for dei som skal rettleie legar i spesialisering (LIS) i helseregion vest
Utvikle og delta i regionale kurs knytt til felles kompetansemodular for LIS med særleg vekt på e-læring, simulering og kommunikasjon
Etablere kurs/seminar i korleis evaluere læringsmål
Bidra til å utvikle og følgje opp regionens og føretakets planar for LIS utdanninga.
Bidra til å byggje og ivareta samarbeidsarena på tvers av ulike fagmiljø og spesialitetar, regionalt og nasjonalt.
Pedagogisk kvalitetssikre ulike læringsaktivitetar i utdanninga av legespesialistar
Utvikle pedagogiske retningsliner for supervisjon, rettleiing og kompetansevurdering av LIS

Kvalifikasjonar

Utdanning på universitets- eller høgskulenivå.
God kunnskap, erfaring om og interesse for pedagogikk innanfor høgare utdanning og helsesektoren
Interesse for utvikling av utdanningssystem
Gode kommunikasjonsevner, både skriftlig og munnleg
God organisasjonsforståing
God IKT-kunnskap
Engasjert og løysingsorientert

Utdanning

Helsefag, andre
Høgskule/universitet, diplom-/ bachelorgrad
Medisin
Pedagogikk
Psykologi
Sjukepleie

Eigenskapar

Arbeider sjølvstendig og er pådrivar i arbeidet med å utvikle pedagogiske metodar innan utdanning av LIS
Har evne til å arbeide systematisk, metodisk og ryddig
Viser engasjement til å utvikle stillinga, her under utvikle system og rutinar
Teamarbeids- og samhandlingsevnar
Har evne til å handtere fleire arbeidsoppgåver samtidig
Gode kommunikasjonsevner både skriftlig og munnleg
Løysingsorientert
God munnleg og skriftlig framstillingsevne

Vi tilbyr

Stillingsbrøk: 50-100%
Deltaking i og vidareutvikling av spennande nytt satsingsområde
Triveleg og tverrfagleg arbeidsmiljø
Høgt fagleg nivå med moglegheit for fagleg og personleg utvikling

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Sted: Haukelandsveien 22, 5021 Bergen
Bransje: Helse og omsorg
Stillingsfunksjon: Rådgivning,; Helsepersonell / Psykolog,; Lege,; Sykepleier,; Undervisning og pedagogikk