Hengjo - di heilt eiga øy

2 timar frå Bergen og ca 2,5 timar frå Stavanger ligg Hengjo. På vestsida av sommarøya Bømlo i Vestland fylke kan du parkere bilen på fastlandet på Alvsvåg, setje deg i båten og køyre dei ca 200 meterane ut til di heilt eiga øy. Her ligg Hengjo å ventar på deg. Huset er eit nybygg, men tek vare på kystkulturen og minnene som heng igjen etter den 100 år gamle nothengja som sto her fram til 2017.

Velkommen til Hengjo og velkommen til kvilepuls. Her ligg alt til rette for at ein eller to familiar skal kunne nyte dagane i rolige omgivelsar. Nytt for 2021 er at me har 4 faste soverom med plass til 2 personar i kvart rom, i tillegg til sovesofaer på 3 andre rom. Her er lyst, trivelig og åpent, med fleire stover, kjøkken, 2 bad og fantastiske solforhold på heile øya. Her er tv og internett, utemøbler, fleire uteplassar, strand og sjø på alle kantar. Inkludert i prisen er båt og kajakker ein kan bruke for å utforske skjærgården blandt dei 1000 øyane Bømlo Kommune består av. Storhavet ligg 7 minutt unna i båt og gode fiskeforhold å store naturopplevelsar ventar like utenfor stoveglaset. På Hengjo ligg og ein fast fortøyd seglbåt som og kan disponerast om ein treng fleire soveplassar. I båten er det køyer til 7 personer, 3 doble og 1 enkel, bysse med liten kjøkkenkrok og masse sjarm å nostalgi. Søk gjerne opp Hengjo på Facebook for fleire bileter.