Sjønære bustader i rekke, 3 soverom

Her kan du sikre deg ein lekker bustad i rekke med effektiv planløysing, 3 soverom og eit moderne garasjeanlegg - med sjøen som nabo!

Bustadene går over to plan og har ei funksjonell og gjennomtenkt planløysing med livsløpsstandard. Her får du tre soverom, to bad, open stove- og kjøkkenløysing samt ei triveleg loftstove. Himlinga i 2. etasje gir ei luftig romkjensle, medan store vindaugsflater i stove og kjøkken slepp inn rikeleg med dagslys og gir bustaden eit moderne preg.

Det er sett av plass til platting eller terrasse på bakkeplan – perfekt for lune sommarkveldar. Som tilval kan du òg få uteplass i 2. etasje, ved å etablere terrasse på overbygget som ligg over inngangspartiet.

Den moderne og stilreine arkitekturen glir naturleg inn i det maritime miljøet, og materialval og detaljar er nøye gjennomtenkt for å skapa eit heilskapleg uttrykk.

Bustadene vert levert med jamt god standard (sjå prospekt for meir informasjon). Kjøkken og baderomsinnreiing kjem frå kvalitetsleverandøren Sigdal, levert av Stord Kjøkkensenter, og komplett sett med kvitevarer er inkludert. Det er varmekablar i heile 1. etasje, samt bad i 2. etasje.

I prisen er det inkludert ein garasjeplass med moglegheit for elbilladar i eit moderne, felles garasjeanlegg under bakken. Du får òg din eigen sportsbod.

Som kjøpar får du sjølvsagt høve til å setja ditt eige preg på bustaden gjennom eit utval av tilval og materialval.

Sjå vedlagte interiørbilder frå tilsvarande bustad i feltet med same planløysing. Me gjer oppmerksam på at dette er ilustrasjonsbilder, då kunden har gjort diverse oppgraderingar utover standard.