Bøahagen

HS Eigedomsutvikling har gleda av å presentere Bøahagen byggetrinn 2 – ei vidareføring av eit attraktivt bustadområde på ei solrik og sentrumsnær tomt i Stryn.

I dette byggetrinnet kjem 17 nye sjølveigande leilegheiter i ulike storleikar. Her kan du velje mellom praktiske 3-roms leilegheiter på 62 og 79 m², og romslege 4-roms leilegheiter på 102 m². Leilegheitene får gjennomarbeidde planløysingar, privat balkong eller markterrasse, sportsbod og moglegheit for kjøp av parkeringsplass i parkeringskjellar.

Bøahagen er planlagt for ein enklare kvardag. Her kan du bruke mindre tid på vedlikehald, plenklipping og snømåking – og meir tid på det som betyr noko for deg. Med heis frå parkeringskjellar til bustadetasjane, gode fellesareal og korte avstandar til sentrumstilbod, ligg mykje til rette for ein lettvint og komfortabel kvardag.

Mellom bygga blir det lagt til rette for eit godt bumiljø med felles hage, gangvegar, møteplassar og leikeareal. Tanken bak Bøahagen er å skape ein stad der folk i ulike aldrar og livsfasar kan trivast saman.

Bak prosjektet står lokale aktørar med god kjennskap til området. HS Eigedomsutvikling AS er utbyggjar, og HS Bygg AS er totalentreprenør.

Beliggenhet

Bøahagen ligg sentrumsnært i Stryn, med kort veg til både kvardagsfunksjonar, aktivitetstilbod og natur. Her bur du i gangavstand til mellom anna daglegvarebutikk, skule, barnehage, kulturhus, symjehall, idrettshall, treningssenter, busstasjon og Stryn sentrum.

Samtidig ligg fjorden, turområde og naturen tett på. Dette gir ein god kombinasjon av praktisk kvardag og nærleik til det Stryn og Nordfjord er kjent for.

Oppvarming

Leilegheitene vert levert med vassboren golvvarme og felles varmepumpeanlegg for byggjetrinnet, slik det er prosjektert. Varmtvassberedar vert plassert i bod.
Det vert levert balansert ventilasjon med lokalt ventilasjonsaggregat plassert i bod.

Diverse

Leilegheitene vert levert med normal god standard. Golv i stove/kjøkken, soverom og entré vert levert med laminat. Bad får keramiske fliser på golv og vegg, vegghengt toalett, dusjløysing og baderomsinnreiing. Veggar og himlingar vert hovudsakleg levert i lyse, måla overflater.

Kjøkken vert levert frå anerkjend leverandør, med kvite, glatte frontar og benkeplate i laminat som standard. Kjøpar vert invitert til gjennomgang med kjøkkenleverandør for eventuelle tilval innan oppgitte fristar.

Det vert levert balansert ventilasjon, skjult elektrisk anlegg, LED-downlights i stove/kjøkken og brannsprinkling med felles brannvarslingsanlegg.

Alle bilete, illustrasjonar og planteikningar er meint som illustrasjonar. Endeleg leveranse følgjer byggjespesifikasjon og kjøpekontrakt. Det kan kome endringar i løysingar, detaljar, tekniske føringar, materialval og utomhusplan som følgje av detaljprosjektering, offentlege krav eller tekniske forhold.


I tillegg til kjøpesum og øvrige omkostninger innbetales et á konto innskudd til sameiet på kr 50,- per m² BRA.

Garasje/parkering

Parkeringskjellar ligg på plan 1. Kvar leilegheit får normalt moglegheit til å kjøpe éin parkeringsplass mot tillegg i pris. Pris per parkeringsplass er kr 300 000,-.

Frå parkeringskjellaren er det tilkomst til bustadetasjane via heis eller innvendige trapper. Det kan også vere mogleg å kjøpe fleire parkeringsplassar dersom det er tilgjengeleg. Seljar tek atterhald om endeleg organisering og fordeling av parkeringsplassar og boder.

Balkongar/terrassar/uteplassar

Alle leilegheitene får privat balkong eller markterrasse. Balkonggolv vert levert i prefabrikkert betong med naturleg grå overflate. Rekkverk og detaljar kan variere etter plassering og løysing.

Felles uteområde vert opparbeidd i samsvar med endeleg utomhusplan. Planar og illustrasjonar er retningsgivande, og endeleg utforming kan avvike.