Fagervollvegen

Moderne tomannsbustad i hjartet av Stranda – utsikt mot sjøen og Roalden

Velkomen til Fagervollvegen – eit moderne tomannsbustadprosjekt med sentral og attraktiv plassering midt i Stranda sentrum. Her bur du med kort gangavstand til Storgata, Rema 1000, apotek, treningssenter og alt Stranda har å by på av service, handel og aktivitetstilbod.

Bustadene får ei flott plassering med gode solforhold og vakker utsikt mot både sjøen og Roalden. Her får du kombinasjonen av sentrumsnær kvardag og nærleik til natur og friluftsliv.

Bustadene er planlagde med funksjonelle og moderne løysingar, og inneheld mellom anna:

• 2–3 soverom
• Romsleg stove og kjøkken i open løysing
• Bad og separat WC
• Teknisk rom
• Garasje
• Gode oppbevaringsløysingar

Bygget vert oppført i massivtre – eit framtidsretta og berekraftig byggjemateriale som gir eit sunt og behageleg inneklima med høge miljøkvalitetar. Innvendige overflater kan tilpassast og overflatebehandlast etter ønskje, slik at du får eit heimemiljø som passar din stil og dine behov.

Det er òg mogleg å få levert trappeheis etter ønskje, noko som legg til rette for auka tilgjenge og komfort i alle livsfasar.

Fagervollvegen er prosjektet for deg som ønskjer ein lettstelt og moderne bustad med sentral plassering, kvalitetsmateriale og nærleik til både fjord, fjell og kvardagsfunksjonar.

Prosjektet har planlagt oppstart ved sal av begge bustadeiningane, og vert gjennomført med føresetnad om endeleg godkjent byggeløyve.