NORNES | Nyoppført 2-mannsbustad | Moderne fasilitetar & god standard | Famil...

Om prosjektet

Nyoppført vertikaldelt 2-mannsbustad på fin plassering på Nornes. Bustadane ligg høgt og solrik til øvst i feltet, med flott utsikt mot fjorden og over til Fimreite. Svært barnevennleg område utan gjennomgangstrafikk, med umiddelbar nærleik til naturen og fine turområder samt nokre få gangers minutt unna ballbinge og leikeplass. Bustadane går over 3 plan, og er oppført med gode kvalitetar og fine fargeval. Moglegheit for enkelte tilpassingar ved snarleg teikning av avtale. Bustadane er planlagt å vere ferdigstilt i desember 2023.

Staden

Bustadane har fin og solrik plassering øvst i Nornesfeltet, med flott utsikt over fjorden og Fimreite. Barnevennleg område utan gjennomgangstrafikk, med umiddelbar nærleik til naturen og fine turområder. Her bur du landleg til, med kort veg til fine turstiar i fjellet og badestrender ved fjorden. Kort veg til buss, skule og barnehage, og ca. 10-15 min i bil til både Sogndal og Leikanger.

Tilkomst

Enkel tilkomst frå kommunal veg.
Felles innkøyrsle for alle 4 seksjonane.
Sjå kart www.finn.no, eller kontak meklar for nærare opplysningar.

Innhald

Bustadane går over 3 etasjar med følgande innhald:
U.etg: Dobbel carport, romsleg sportsbod og ei mindre bod. Trapp opp til etasjen over.
1.etg: Entré, gang med trapp, bad og 3 soverom. Utgang til sørleg vendt veranda frå eine soverommet.
2.etg: Romsleg kjøken og stove i åpen løysing, wc og bod/kontor. Utgang til sørleg vendt veranda frå stova.

Standard

Nyoppført tomannsbustad etter TEK17.
Bustadane nærmar seg ferdigstilling, der det er mogleg for kjøpar å gjer enkelte tilpassingar når det gjeld overflater og fargeval ved snarleg inngåelse av avtale.

Bustadane vert levert med følgande standard leveranse:
Innvendig:
Pipe: Montert og levert stålpipe
Trapp: Heiltre furu med 2-lags lyspigmentert lakk, levert av Sognatre AS
Dører: Kvite formpressa levert av Maxbo

Innvendig:
Entré:
Golv: Laminat
Vegg: Mdf plater med lister
Himling: Gips sparkla/måla

Kjøken/stove:
Golv: Laminat
Vegg: Mdf plater med lister
Himling: Gips sparkla/måla

Kjøkeninnreiing:
Leverandør: Nordsjø levert av Sognatre AS
Type fronter: lyse sletta
Benkeplate: Laminat benkeplate med eikestruktur
Ventilator: skjult i skåp
Kvitevarer: Er ikkje inkludert, men vert gjort klart for innebygde kvitevarer

Soverom:
Golv: Laminat
Vegg: Mdf plater med lister
Himling: Gips sparkla/måla

Bad:
Golv: Standard flis med varmekabel (moglegheit for oppgradering)
Vegg: Standard flis (moglegheit for oppgradering)
Himling: Gips sparkla/måla
Innreiing: dobbel servant med 2 stk vaskar, 2 stk underskåp, 2 stk speil + 1 høgskåp. Vegghengt toalett, dusjhjørne med glasveggar. Opplegg for vaskemaskin.

WC:
Golv: Laminat
Vegg: Gips sparkla/måla
Himling: Gips sparkla/måla
Innreiing: Vegghengt toalett, 1stk vask, 1stk speil

Teknisk leveranse:
Varmtvasstank: 200l
Balansert ventilasjon: Flexit anlegg med varmegjenvinning

Utvendig:
Tomt: Planert og oppgrusa fellesareal, felles tilkomst for 4 seksjonar
Drenering: Drenering rundt heile bygget påkobla offentleg nett
Grunnmur: Betong
Plate på grunn: Betong
Kledning: Dobbelfalsa m/3 strøk måling
Tak: Sanda betongstein
Takrenner/nedløp: Plastbelagd stålrenner
Vindauge: 2 lags levert av Fjordglas
Ytterdør: Levert av Maxbo
Altandør: Levert av Maxbo
Rekkverk veranda: Tre
Dekke veranda: Tre

Elektriske instalasjonar:
Levert av Solberg El-Service AS.
Sanitærinstallasjonar og røyrleggjararbeid: Levert av Geir Steig.
Grunnarbeid og planering levert av:
Pettersen Anlegg AS og Steinar Foss AS.
Betong og tømrararbeid levert av:
Nornes Bygg AS.
Ekstern kontrollør: Aslak Randmo v/ Bygg og taksering AS.

Sjå elles vedlagte leveransebeskrivelse for meir informasjon.

Bustaden vert levert i byggreingjort stand. Kjøpar må pårekne utvask etter innflytting.

Seljar leverer ikkje; innreiingar, lamper, andre lyskjelder/-utstyr, markiser/solavskjerming, tepper, møblar og anna tilhøyr, dersom dette ikkje går tydeleg fram av denne prosjektbeskrivinga.

Oppvarming

- Vedomn (montering av omn mot tillegg)
- Varmekablar bad
- Elektrisk oppvarming

Energimerking

Oppvarmingskarakter Rød - Energikarakter C

Parkering/bod

Parkering i dobbel carport, elles gjesteparkering i sameiget.

Byggjemåte

I nye bygg vil det normalt oppstå svinnriss, sprekkar i tapet, maling og så vidare ved skøyter og samanføyingar, dels på grunn av uttørking av materialer. Det vert påpeika spesielt at sprekkar i materialovergangar og mellom tak og vegg og i hjørner ikkje kan bli forlanga utbetra, så lenge desse ikkje inneber avvik frå god handverksmessig standard.

Seljar kan gjere naudsynte og/eller mindre hensiktsmessige endringar i spesifikasjonane, til dømes som følgje av offentlegrettslege krav og manglande tilgjengelegheit, så lenge dette ikkje reduserer føresett standard på bustaden. Slike endringar utgjer ikkje ein mangel, og gir ikkje kjøpar rett til prisavslag eller andre sanksjonar.

Kjøpar er kjend med at det vil føregå vidare byggjeaktivitet i prosjektet. Dette kan i periodar medføre noko støy.

Tomt

Den einskilde seksjonseigar disponerer og vedlikeheld utomhusarealet som naturleg ligg til sin seksjon.

Kjøpar er kjend med at utomhusarbeid, avhengig av årstid, vil kunne bli ferdigstilt og overtakingsforretning for desse halde etter at forbrukaren har teke over bustaden.

Seljar kan også gjere mindre endringar på utomhusarealet som følgje av offentlegrettslege krav, så lenge det ikkje forringar verdien og nytten av utomhusarealet.

Veg, vatn, kloakk

Tilkomst frå offentleg veg.
Offentleg vatn og avlaup via private stikkleidningar.

Eigarform tomt og areal

Areal: 1 730 kvm, Eierform: Fellestomt

Eigarform bustad

Eigarseksjonssameige

Areal opplysningar

Areal oppgitt i prospektet er gitt i bruksareal (BRA) som er leilegheita sine mål innvendig, medrekna innvendige boder og veggar, men er ikkje medrekna yttervegg. I tillegg vert oppgitt P-rom som er leilegheita sitt BRA-areal fråtrekt innvendige boder og veggane til desse.

Oppgjevne areal vere basert på arkitekten sine arealutrekningar. Avvik kan førekomme. Sjå vedlagde planteikningar for meir opplysingar om areal i leilegheitene.

Sameige

Ingen kan direkte eller indirekte erverve meir enn to bustadseksjonar i eit bustadsameige jf. eigarseksjonslova § 23. Kjøpar er ansvarleg for at kjøpet ikkje er i strid med eigarseksjonslova . Dersom det har funne stad eit erverv som er i strid med reglane i eigarseksjonslova kan Kartverket nekte overskøyting. Dersom overskøyting blir nekta, er kjøpar likevel forplikta til å gjennomføre handelen med seljar og oppgjer til seljar vil finne stad trass i manglande overskøyting. In-blanco skøyte vert ikkje akseptert.

Sameige har legalpant for inntil 2G for dekking av ubetalte felleskostnader.

Seksjonering

Eigarseksjonane vil tilhøyre eit sameige. Det er total 4 seksjonar i sameige fordelt på 4 bustadseksjonar.
Kjøpar får skøyte på sin seksjon som inneheld eksklusiv bruks- og disposisjonsrett til eigen bustad. Kvar seksjon vil få ein sameigebrøk på 25/100, tilsvarande sitt areal i forhold til samla areal.

Vedtekter

Det er utarbeidd vedtekter for sameige, desse ligg vedlagt i salsoppgåva. Vedtektene vert gjeldande fram til sameigemøte evt. vedtek endring. For å endre vedtekter er det krav om 2/3 fleirtal.

Forretningsførar

Det er ikkje valt forretningsførar for sameige. Dette vert velt av sameige etter at det er etablert.

Felleskostnader

Kjøpar er kjend med at det med bustaden følgjer med ansvar for å dekkje eigedomen sin del av del månadlege felleskostnadene. Fellesutgiftene er ikkje fastsette pr. dags dato då bygga ikkje ferdigstilte. Kjøparane må rekne med å delta i felleskostander ut frå sameigebrøken. Felleskostnadene vil normalt dekkje forsikring av bygget og drift og vedlikehald av fellesareal.

Kommunale avgifter og eigedomskatt vert i tillegg fakturert direkte frå kommunen til den einskilde sameigar/seksjon. Endeleg fastsetting av første års driftsbudsjett og felleskostnader vert vedteke på sameige sitt konstituerande sameigemøte.

Faste kostnader

Straum, fibernett, innbuforsikring, kommunale avgifter og eigedomsskatt.

Kommunale avgifter

Kommunale avgifter er ikkje fastsett, men kommunen sine satsar for 2023 er:
Årsavgift vatn, fastledd, pr. eining kr 1.760,-
Årsavgift vatn, forbruksledd pr eining, bustad og fritidsbustad med bruksareal over 110 m2 kr 3 050,-
Abonnementsgebyr årsavgift avløp normalsats kr 1 132,-
Årsavgift avløp, forbruksledd kr 2.010,-
Renovasjon normalhushald (140 l restavfall) kr 3 268,-
+ eigedomsskatt

Eigedomsskatt

Eigedomskatt kjem til påfølgande kalenderår etter overtagelse.

Formueverdi

Formueverdien er førebels ikkje fastsett. Denne vert fastsett av Skatteetaten etter overtaking, og vil normalt vere 25-30% av første gangs kjøpesum.

Ferdigstilling

Forventa ferdigstilling desember 2023, men dette tidspunktet er førebels og ikkje bindande og løyser ikkje ut krav om dagmulkt. Overtaking etter nærare avtale.

Ferdigattest / mellombels bruksløyve

Eigedomane skal overleverast mot ferdigattest. Dersom eigedomen vert overteken mot mellombels bruksløyve, pliktar seljar å framskaffe ferdigattest innan rimeleg tid og seinast før mellombels bruksløyve er gått ut på tid. Ved slik overtaking pliktar eigedomsmeklar å gjere kjøpar merksam på at det bør etablerast tilstrekkeleg sikkerheit for kjøpar sitt krav. Eigedomsmeklar skal deretter bistå partane med å etablere tilfredsstillande sikkerheit som ivaretar interessene til kjøpar.

Betalingsplan

100 % ved overtaking.

Endringsarbeid

Ved tilval og endringsarbeid gjer ein merksam på at kjøpar vil bli kalla inn til endringsmøte av utbyggjar/entreprenør, der kjøpar og entreprenør går gjennom leveransebeskrivinga. For endring av standard leveranse vert det skriven ein endringsavtale direkte mellom entreprenør og kjøpar.
Avbestillingskostnader:
Dersom kjøpar avbestiller heile eller deler av seljars yting, har seljar krav på erstatning for sitt økonomiske tap som følgje av avbestillinga, jfr. buofl. § 53. Dette vil blant anna omfatte meirkostnader som følgje av seljars meirarbeid i samband med avbestillinga og nytt sal, eventuelt tap på forteneste ved nytt sal, og anna tap/meirkostnader som følgje av utsett overtaking av bustaden. Vidaresal er ikkje å sjå på som avbestilling.

Lovverk

Bustadane vert selde i samsvar med lov om bustadoppføring av 13. juni 1997 nr. 43 (bustadoppføringslova). I tillegg gjeld lov om eigarseksjonar av 16. juni 2017 nr. 65 (eigarseksjonslova) for sameiga og drifta av dette.

Kvitvasking

Etter lov om kvitvasking og terrorfinansiering pliktar meklar å gjennomføre kundekontroll ved å stadfeste identiteten til kunden, eventuelt reelle rettigheitshavarar, på bakgrunn av gyldig legitimasjon. Dersom slike kundetiltak ikkje let seg gjennomføre kan meklar ikkje etablere kundeforholdet eller utføre transaksjonen. På same måte pliktar meklar å gjennomføre kundekontroll på kjøpar.

Meklarføretaket har plikt til å melde ifrå til Økokrim om eigedomstransaksjonar som framstår som mistenkjelege. Slik melding vert sendt utan at partane vert varsla. Meklar kan også i enkelte tilfelle ha plikt til å stoppe gjennomføringa av handelen.

Garantiar

Seljar pliktar å stille bankgaranti til kjøpar i samsvar med Bustadoppføringslova §12. Denne garantien skal stillast umiddelbart etter bodaksept og skal tilsvare 3% av kontraktsummen i perioden fram til overtaking, og 5% av kontraktsummen i 5 år etter overtaking. Det skal ikkje betalast inn noko del av kjøpesummen før denne garantien er stilt.

Finansiering

Meklar kan formidle kontakt med Sparebanken Sogn og Fjordane for rask avklaring av finansiering ved kjøp i prosjektet. Meklar mottek ikkje godtgjerdsle for dette.

Regulering

Området er regulert til bustad.

Overdraging / resal

Sal av kontraktsposisjon er berre tillate etter godkjenning frå seljar. Seljar kan utan nærmare grunngjeving nekte ei slik godkjenning. Ervervet vil etter slik godkjenning kunne tinglysast direkte til tredjemann, men seljar vil i høve til oppgjer og kontraktsvilkår elles berre halde seg til kjøpar. Ved eventuell transport/vidaresal av kjøpekontrakt før overtakinga vert det krevd eit gebyr stort kr. 35 000,- inkludert mva. Ny kjøpar vil vere bunden av eventuelle tingingar av tilval som er gjort av kjøpar. Transport av garantiar til ny kjøpar krev samtykkje frå garantist. Eventuelle gebyr for slik transport skal dekkjast av kjøpar.

Atterhald

Ved overtaking har kommuen stilt som vilkår for å utstede ferdigattest/mellombels bruksløyve at delar av resten av fellesområde i byggjefeltet er ferdigstilt etter krava i reguleringsplanen for dei enkelte tomtene. Dersom slike areal ikkje er ferdigstilte vil kjøpar kunne halde attende midlar til sikkerheit for ferdigstilling, eventuelt at det vert stilt § 47 garanti for høvet.

Eigedom

Norneshaugane 31&33
6859 Slinda

Bodgjeving

Seljar tek atterhald om retten til å akseptere eller forkaste eitkvart bod/kjøpetilbod på fritt grunnlag. Sal av kontraktsposisjon er berre tillate etter godkjenning frå seljar. Seljar kan utan nærmare grunngjeving nekte ei slik godkjenning. Ervervet vil etter slik godkjenning kunne tinglysast direkte til tredjemann, men seljar vil i høve til oppgjer og kontraktsvilkår elles berre halde seg til kjøpar.