Moderne 3-roms leilegheit m/carport i Vatnehagen - SOLGT

I det nye bustadfeltet Vatnehagen 2 nærmer vi oss no ferdigstilling av den første 4-mannsbustaden. Den ledige leilegheita ligg i 2. etg mot aust, og er sørvendt og har gode solforhold, og ligg usjenert til i eit allereie etablert og roleg bustadområde. Det er gangavstand til barnehage, daglegvarebutikk, kafe, treningssenter, småbåthavn m.m.

4-mannsbustaden har eit moderne uttrykk med ein stram arkitektur. Her er store homogene flater i same fargar og materialar, og mange av kvalitetane har arkitekten valt å framheve ved å bruke fargar og materialar. Skråtaket gir bustaden eit uttrykk som er både moderne og tidlaust på same tid.

Leilegheita inneheld stue/kjøkken, to romslege soverom, gang, eit stilfullt bad med tidsriktige detaljar, innvendig bod og utebod. Kjøkkenet er utstyrt med integrerte kvitevarer og har ein lekker beige farge på innreiinga. Det er god plass til både spisebord og sofagruppe i den opne stue- og kjøkkenløysinga, noko som gir ein luftig og sosial atmosfære.

Leilegheita har utgang frå stove/kjøkken til balkong, og innsynet mellom naboane er skjerma av skiljevegg mellom leilegheitene. Balkongen på 13 m² gir deg rom til å nyte utsikta og den friske lufta. I tillegg er her ein terrasse på 10m² ved inngangspartiet, ein nydeleg plass å innta frokosten og morgonkaffien.

Leilegheita har ein parkeringsplass i carport der ein kan plassere bilen i le for vèr og vind. I tillegg har kvar leilegheit ein parkeringsplass på gardsplass. Sportsboda ligg på sida av bustaden tett opp til inngangspartiet til leilegheitene slik ein har enkel tilgang. Ferdig asfaltert veg og parkeringsareal er inkludert i leveransen.

Dette er ein bustad som kombinerer moderne funksjonalitet med stilige detaljar - ideell for både unge og godt vaksne som ønskjer ei komfortabel og praktisk leilegheit.

Plassering

I nærområdet er her fleire flotte friluftsområder med fine turstiar, og ikkje langt unna ligg Gurinesbukta, eit nydeleg rekreasjonsområde med badeplass. Området har gode vilkår for friluftsliv med ferskvatn og eit flott fjelllandskap. Ein variert natur gir gode føresetnader for ulike aktivitetar for alle. På Vatneeidet nokre få minutt unna med bil ligg Vatne barne- og ungdomsskule, Eidet kulturhall og IL Ravn sitt idrettsanlegg. I tillegg er her to daglegvarebutikkar, diverse andre butikkar, frisør, legekontor, tannlege, Eidet omsorgssenter, bensinstasjon med gatekjøkken m.m. Køyretid til Digerneset 15 minutt, til Moa 25 minutt, og til Ålesund sentrum via Ellingsøya ca. 35 minutt.

Beskriving av leveransen

Leilegheita vert levert klar til innflytting med god standard. Lekker kjøkkeninnreiing i beige farge med intergrerte kvitevarer frå Bosch. Glatte malte veggar i tidsriktige fargar, og malt gipstak med listefri overgang til tak. Stilfullt flislagt bad med moderne baderomsinnreiing, vegghengt WC, takdusj og dusjveggar. I den ytre delen av entreen er her ei praktisk skyvedørsgarderobe som sørger for god plass til oppbevaring av sko og ytterklede. Flis på golv i ytre del av gang og på bod/vaskerom. Golv i god kvalitet på stue/kjøkken og soverom. Oppgradert el-installasjon med spottar i tak på stue/kjøkken og bad.

Leil. 1 - 1. etg. BRA 77,2 m² SOLGT
Leil. 2 - 1. etg. BRA 77,2 m² SOLGT
Leil. 3 - 2. etg. BRA 77,4 m² SOLGT
Leil. 4 - 2. etg. BRA 77,4 m² kr 3 690 000,- (klar til innflytting)

Følgjande er med i standardleveransen:

• Kjøkkeninnreiing frå Kvik med integrerte kvitevarer frå Bosch
• Baderomsinnreiing frå Kvik
• Skyvedørsgarderobe med dører i klart speil i entrè
• Garderobeskap på soverom
• Varme i golv på bad og ytre del av entrè
• Balansert ventilasjon frå Villavent
• Luftventilert pipe
• Rør i rør system
• Frostsikker utekrane
• Biloppstillingsplass i carport
• Dekke i carport støypt i betong
• Asfaltert veg og parkeringsareal

Fordelar ved kjøp av heilt ny leilegheit

Det er mange fordelar ved kjøp av ny leilegheit kontra det å kjøpe brukt, og berre tenk på den gode følelsen av å flytte inn i ei splitter ny leilegheit som ingen har budd i før.

• Alt er nytt, ikkje behov for oppussing på mange år
• Meir energieffektiv bustad, lave kostnader til oppvarming
• Lave kostnader til vedlikehald
• Moglegheit til å påverke utforming og innreiing
• Tidsriktig og praktisk bustad
• Eit sikrare kjøp, garantitid om feil oppstår
• Du slepp hektiske budrundar
• Du kan vurdere i fred og ro, og kjøpe til fast pris
• God tid til å førebu flytting
• Svært lave kjøpsomkostningar, berre omkostningar til tinglysing av skøyte på kr 11 295,-

Diverse

Den ledige leilegheita (leil. 4) er ferdigstilt og klar til innflytting. Overtaking etter avtale med kjøpar.

Fiber er lagt fram til bustaden, abonnement kan kjøpar bestille hos Tafjord Marked AS.

Bustaden er bygd etter byggteknisk forskrift (TEK17)

For visning eller meir informasjon ta kontakt med Møre Hus v/Jofrid Hatlehol, tlf. 970 12 140