Firemannsbustader Kjølsdalen

Om prosjektet

Prosjektet er planlagt med totalt to bygg, fire leilegheitar i kvart bygg over to etasjar.
Alle leilegheitene får fantastisk utsikt mot fjord og fjellheim.

Det er satt igang bygging på bygget lengst vest, her er det ei leilighet ledig i underetasje aust. I bygg to er det fire ledige leiligheter.

Planskisser er endra i forhold til det som teikningar og illustrasjon viser. Ta kontakt med Eigedomsmeklar for å få dei nyaste teikningane.

Tilkomst

Det er svært lett tilkomst til leilegheitene

Innhald

Det skal etter planen oppførast to firmannsbustader med totalt åtte leilegheiter. Det er no eine bygget som blir lagt ut for sal og bygging her vil gjennomførast før ein evt set i gang bygg to. Bygg ein i Hundshaug Sameige er det som ligg lengst vest. (mot Måløy)
Desse leilegheitene skal danne eit sameige. Kvar leilegheit skal ha parkeringsplass og utvendig bod. , elles blir det gjesteparkering i sameiget.
Alle leilegheitene får balkong mot fjorden og fjellheimen.
Tomta blir skråande rundt leilegheitene, men vil bli ryddig og greitt.

Standard

Kjøkken
Leilegheitene får lyse, flotte kjøken med praktisk og flott innreiing frå Espe. Det er lagt opp til kvite frontar og benkeplate i laminat. Kvitevarer frå Bosch følgjer med og det er planlagt platetopp, innbyggingsomn, kjøleskap, oppvaskemaskin og kjøkkenvifte.
Det blir åpa kjøkkenløysing mot stova og balkong. Med dei manga og store vindauga mot den nydelige utsikta gjere dette til at leilegheitene får inn mykje naturleg lys og sol heile dagane. Golv i kjøkken og stove blir laminat av god kvalitet. Veggar blir MDF-plater i stova. Veggen (lyd- og brannvegg) mellom leilegheitene blir gipsplater, sparkla og måla strietapet.

Bad og vaskerom
På golv i desse romma er det lagt opp til våtromsbelegg - sikkert og funksjonelt. På veggar blir det baderomsplater, FiboTrespo.
Innreiing som leverast med er 120cm, her er det ikkje spesifisert noko merke pt - denne informasjonen vil komme løpande frå utbyggar.
Elles blir det golvståande toalett og dusj med foldedører i 90x90.

Soverom
Soveromma blir av god storleik og det blir levert 1m skap per sengeplass som standard. Golva her blir også laminat av god kvalitet, veggane i soveromma blir MDF-plater.

Balkong
Leilegheiter både i underetasje og 1.etasje får eigen balkong. Med utgang frå stove får ein lett tilkomst til å nyte fabelaktig utsikt, sol og natur.

Tak
Himling blir ferdigmalte/ferdigbehandla takplater med skyggelist i alle rom.

Innvendige dører
Kari formpressa dører. Kvite med matt krom handtak. Karm og list er malt frå fabrikk
Inngangsdør også i kvitt tre med glas - FG-godkjent sylinderlås.

Oppvarming

Ventilasjonsagregat med roterande gjenvinning i leilegheitene.
Ventilasjon av trappeløp og boder er ikkje med.
Alle aggregat har eget avsug og kjøkkenventilator som går utanom gjenvinninga

Varmekablar bad og vaskerom

Elles er det basert på elektrisk oppvarming.

Parkering/bod

Det medfølgjer parkeringsplass til kvar leilegheit. Sportsbod med betonggolv på oppsida av husværet følgjer også.

Byggjemåte

Ytterveggar, tak, vindauger, golv/etasjeskille og alle andre bygningstekniske løysingar ligg innafor gjeldande krav til tetthet, energi, brannskille/lydskille og byggfysikk.
Reglar og preaksepterte løysingar i TEK17 vert følgd fullt ut etter dagens krav og standard.

Tomt

Tomta blir levert ryddig, opparbeida med parkering.

Veg, vatn, kloakk

Bygg blir tilkopla kommunalt vatn og avlaup via private stikkledningar. Veg blir privat til offentleg.

Eigarform tomt og areal

Areal: 2 503 kvm, Eierform: Fellestomt

Eigarform bustad

Eigarseksjon

Areal opplysningar

Viser til prisliste og planteikningar når det gjeld arealopplysingar for kvar leilegheit.
Areal oppgitt i prospektet er gitt i bruksareal (BRA) som er leilegheita sine mål innvendig, medrekna innvendige boder og veggar, men er ikkje medrekna yttervegg.
I tillegg vert oppgitt P-rom som er leilegheita sitt BRA-areal fråtrekt innvendige boder og veggane til desse.
Då prosjektet ikkje er oppført, er oppgjevne areal vere basert på arkitekten sine arealutrekningar. Avvik kan førekomme. Sjå vedlagde planteikningar for meir opplysingar om areal i leilegheitene.

Sameige

Ifølgje lov om eigarseksjonar, § 22, tredje ledd, kan ingen erverve meir enn 2 bustadseksjonar (bortsett frå fritidseksjonar) i eit sameige.

Sameige har legalpant for inntil 2G for dekking av ubetalte felleskostnader.

Seksjonering

Eigarseksjonane vil tilhøyre eit sameige. Seksjonsnummer vert bestemt i samband med seksjonering. Det er total 4 seksjonar i sameiga fordelt på 4 bustadseksjonar og 0 næringsseksjonar.
Kjøpar får skøyte på sin seksjon som inneheld eksklusiv bruks- og disposisjonsrett til eigen bustad. Kvar seksjon vil få ein sameigebrøk tilsvarande sitt areal i forhold til samla areal.
Seljar tek atterhald om at seksjoneringa vert godkjent av Eid kommune

Vedtekter

Det er utarbeidd forslag til vedtekter for sameige, desse ligg vedlagt i salsoppgåva. Vedtektene vert gjeldande fram til sameigemøte evt. vedtek endring. For å endre vedtekter er det krav om 2/3 fleirtal.

Iflg, vedtektene skal overdraging og utleige av seksjon meldast styret for godkjenning. Godkjenning kan berre nektast når det ligg føre sakleg grunn til det.

Forretningsførar

Det er ikkje valt forretningsførar for sameige. Dette vert velt av sameige etter at det er etablert.

Felleskostnader

Storleiken på felleskostnadene er ikkje fastsett, men stipulerte felleskostnader skal dekkje sameige sine ordinære driftskostnader. Kjøparane må rekne med å delta i felleskostander ut frå sameigebrøken. Kor store kostnadene blir, vil avhenge av kor mange ytingar sameiga rekvirerer. Felleskostnadane vil normalt dekkje forsikring på bygget og drift av fellesareal. Desse er stipulert til kr. 1500 pr. mnd. Kommunale avgifter og eigedomskatt vert i tillegg fakturert direkte frå kommunen til den einskilde sameigar/seksjon. Endeleg fastsetting av første års driftsbudsjett og felleskostnader vert vedteke på sameige sitt konstituerande sameigemøte.
Sameige er ikkje tilknytt sikkerheitsordninga for tap av felleskostnader. Sameigarane vil hefte for felleskostnadene etter sameigebrøken. Ein vil dermed ikkje hefte for andre sameigarar sine ubetalte felleskostnadar, men ein kan likviditetsmessig måtte leggje ut for naudsynte kostnader som sameige pådreg seg for å oppretthalde forsvarleg drift. Slike utlegg vil i så fall vere sikra med 1. prioritet pant i den seksjonen som ikkje har betalt sin del av fellesutgiftene.

Faste kostnader

Straum og nettleige etter eigne avtalar og forbruk. Innbuforsikring etter avtale med eige forsikringsselskap.
TV og internett etter eigne avtalar.
Felleskostnad etter bestemming i sameige.

Kommunale avgifter

Det vil tilkomme kommunale avgifter og eigedomsskatt etter kommunen sine gjeldande satsar.

Eigedomsskatt

Eigedomsskatt er ikkje fastsett av Stad kommune pt. Denne blir satt ut i frå verdi på eigedom.

Formueverdi

Formueverdien er førebels ikkje fastsett. Denne vert fastsett av Skatteetaten etter overtaking, og vil normalt vere 25-30% av første gangs kjøpesum.

Ferdigstilling

Forventa ferdigstilling er ca 18 mnd etter byggestart.
Kjøpar er uansett plikta å overta 4 veker etter at seljar har varsla om dato for at bustadane er ferdigstilt, sjølv om dette er tidlegare enn stipulert ferdigstilling. Ved overtaking skal det liggje føre ferdigattest. I særskilte tilfelle kan seljar krevje overtaking mot mellombels bruksløyve. Dette kan vere aktuelt dersom det ikkje let seg gjere å ferdigstille utomhus område grunna tele i bakken, at kommunen krev at alle bygg er ferdigstilt før ferdigattest vert gjeve og liknande. Kjøpar pliktar i så tilfelle å overta mot mellombels bruksløyve. I slike tilfelle har kjøpar krav på å halde attende ein forholdsmessig del av vederlaget til sikkerheit for at ferdigattest vert gjeve. Alternativt kan seljar stille §47 garanti som sikkerheit for dette høvet. Seljar tek atterhald om å kunne stille slik garanti. Overtaking mot mellombels bruksløyve medfører at ein har teke over eigedomen og ikkje har krav på dagmulkt etter overtaking.
Ved overtaking vil kjøpar få tildelt FDV-dokumentasjon som syner kva material, produkt og fargeval som er nytta, og i tillegg adresselister med oversikt over kontaktpersonar/firma som er ansvarleg for dei forskjellige arbeid og vedlikehald.

Ferdigattest / mellombels bruksløyve

Eigedomane skal overleverast mot ferdigattest. Dersom eigedomen vert overteken mot mellombels bruksløyve, pliktar seljar å framskaffe ferdigattest innan rimeleg tid og seinast før mellombels bruksløyve er gått ut på tid. Ved slik overtaking pliktar eigedomsmeklar å gjere kjøpar merksam på at det bør etablerast tilstrekkeleg sikkerheit for kjøpar sitt krav.
Eigedomsmeklar skal deretter bistå partane med å etablere tilfredsstillande sikkerheit som ivaretar interessene til kjøpar.

Betalingsplan

10% ved kontraktsinngåing
30% ved ferdig råbygg.
Resterande ved overlevering.

Seljar pliktar å stille garanti ovanfor kjøpar etter bestemmelsane i buofl. § 12. Garanti etter buofl. § 12 skal stillast umiddelbart etter seljar sin aksept av kjøpar sitt bod. Dersom seljar har teke atterhald om enten a) opning av byggjelån, b) sal av eit bestemt tal bustader eller c) ramme eller igangsettingsløyve, skal garanti stillast straks etter at atterhald er oppfylt og uansett innan byggjearbeida startar. Når det gjeld oppgjeret av resterande kjøpesum er det ein føresetnad at seljar har stilt § 12 garanti.
Seljar pliktar også å stille forskotsgaranti for alle beløp som innbetalast av kjøpar.

Endringsarbeid

Ved tilval og endringsarbeid gjer ein merksam på at kjøpar vil bli kalla inn til endringsmøte av utbyggjar/entreprenør, der kjøpar og entreprenør går gjennom leveransebeskrivinga. For endring av standard leveranse vert det skriven ein endringsavtale direkte mellom entreprenør og kjøpar.

Avbestillingskostnader:
Dersom kjøpar avbestiller heile eller delar av seljar si yting, har seljar krav på erstatning for sitt økonomiske tap som følgje av avbestillinga, jfr. buofl. § 53. Dette vil mellom anna omfatte meirkostnader som følgje av meirarbeid seljar har i samband med avbestillinga og nytt sal, eventuelt tap på forteneste ved nytt sal, og anna tap/meirkostnader som følgje av utsett overtaking av bustaden. Vidaresal er ikkje å sjå på som avbestilling.
Ved ei eventuell avbestilling betalar kjøpar etter bustadoppføringslova § 54 eit avbestillingsgebyr på kr. 150 000,- i staden for erstatning etter §§ 52 eller 53.

Lovverk

Bustadane vert selde i samsvar med lov om bustadoppføring av 13. juni 1997 nr. 43 (bustadoppføringslova). I tillegg gjeld lov om eigarseksjonar av 16. juni 2017 nr. 65 (eigarseksjonslova) for sameiga og drifta av dette.

Kvitvasking

Etter lov om kvitvasking og terrorfinansiering pliktar meklar å gjennomføre kundekontroll ved å stadfeste identiteten til kunden, eventuelt reelle rettigheitshavarar, på bakgrunn av gyldig legitimasjon. Dersom slike kundetiltak ikkje let seg gjennomføre kan meklar ikkje etablere kundeforholdet eller utføre transaksjonen. På same måte pliktar meklar å gjennomføre kundekontroll på kjøpar.

Meklarføretaket har plikt til å melde ifrå til Økokrim om eigedomstransaksjonar som framstår som mistenkjelege. Slik melding vert sendt utan at partane vert varsla. Meklar kan også i enkelte tilfelle ha plikt til å stoppe gjennomføringa av handelen.

Garantiar

Seljar pliktar å stille bankgaranti til kjøpar i samsvar med Bustadoppføringslova §12. Denne garantien skal stillast umiddelbart etter bodaksept og skal tilsvare 3% av kontraktsummen i perioden fram til overtaking, og 5% av kontraktsummen i 5 år etter overtaking. Det skal ikkje betalast inn noko del av kjøpesummen før denne garantien er stilt.
Ved innbetaling av forskot stiller også utbyggar forskotsgaranti etter §47 tilsvarande dei til ei kvar tid innbetalte forskot fram til overtaking. Overføring av innbetalt forskot til meklar til seljar er avhengig av at seljar har stilt garanti i samsvar med bustadoppføringslova §47.

Finansiering

Meklar kan formidle kontakt med Sparebanken Sogn og Fjordane for rask avklaring av finansiering ved kjøp i prosjektet. Meklar mottek ikkje godtgjerdsle for dette.

Servituttar/rettar

Legalpant for inntil 2G for ubetalte utgifter. Etter lov om Eigarseksjonssameige, er sameigarane ansvarlege ovanfor sameiget sine kreditorar i forhold til sameigebrøken sin. Ved manglande betaling av fellesutgifter har sameiget lovbestemt pantesikkerheit i den enkelte eigarseksjon inntil 1 gang folketrygda sitt grunnbelaup. Det vil bli tinglyst seksjoneringsbegjæring.

Regulering

Eigedomen er omfatta av reguleringsplan for Kjølsdalen bustadfelt - PlanID 2007007, og er regulert til bustad

Overdraging / resal

-Sal av kontraktsposisjon er berre tillate etter godkjenning frå seljar. Seljar kan utan nærmare grunngjeving nekte ei slik godkjenning. Ervervet vil etter slik godkjenning kunne tinglysast direkte til tredjemann, men seljar vil i høve til oppgjer og kontraktsvilkår elles berre halde seg til kjøpar. Ny kjøpar vil vere bunden av eventuelle tingingar av tilval som er gjort av kjøpar. Transport av garantiar til ny kjøpar krev samtykkje frå garantist. Eventuelle gebyr for slik transport skal dekkjast av kjøpar.

Atterhald

-Det vert teke atterhald om at det vert gjeve ramme- og igangsetjingsløyve for gjennomføringa av prosjektet.
-Det vert teke atterhald om godkjenning av teikningar.
-Nok antal selde einingar for å kunne setje i gang bygging.
-Utbyggjar har rett til å tildele parkeringsplassar og boder.
-Det vert teke atterhald om feil eller endringar i prislista. Utbyggjar kan utan varsel justere prisar og vilkår i den vedlagde prislista på uselde einingar.
-Seljar tek atterhald om retten til å akseptere eller forkaste eitkvart bod/kjøpetilbod på fritt grunnlag. Eventuelle bod må gjevast inn på meklar sitt standard bodskjema som vil bli nytta ved alle sal. Sjå bodskjema.
-Bustaden vert levert i byggreingjort stand. Kjøpar må pårekne utvask etter innflytting.
-Kjøpar er kjend med at utomhusarbeid, avhengig av årstid, vil kunne bli ferdigstilt og overtakingsforretning for desse halde etter at forbrukaren har teke over bustaden.
-Seljar kan gjere naudsynte og/eller mindre hensiktsmessige endringar i spesifikasjonane, til dømes som følgje av offentlegrettslege krav og manglande tilgjengelegheit, så lenge dette ikkje reduserer føresett standard på bustaden. Slike endringar utgjer ikkje ein mangel, og gir ikkje kjøpar rett til prisavslag eller andre sanksjonar.
-Seljar kan også gjere mindre endringar på utomhusarealet som følgje av offentlegrettslege krav, så lenge det ikkje forringar verdien og nytten av utomhusarealet.
-Teikningar og illustrasjonar i prosjektet og teikningsmaterialet er kun av illustrativ karakter. Ved eventuelt avvik gjeld leveransebeskrivinga framfor prospektet og teikningar.
-Innkassing av tekniske installasjonar som ikkje går fram av kontraktsteikningane kan førekome.
-Seljar informerer om at det kan forekome, og kjøpar må akseptere, mindre endringar i forhold til arkitektteikningar og byggjebeskrivingar. Kjøpar pliktar likevel ikkje å akseptere endringar som reduserer verdien av bustaden.
-Seljar leverer ikkje; innreiingar, lamper, andre lyskjelder/-utstyr, markiser/solavskjerming, tepper, møblar og anna tilhøyr, dersom dette ikkje går tydeleg fram av denne prosjektbeskrivinga.
-Seljar tek atterhald om å heve kontrakten dersom kjøpar er i vesentleg misleghald, sjølv om kjøpar har fått overteke bruken av bustaden og/eller skøytet er tinglyst før kjøpar har oppfylt sine plikter etter kjøpekontrakten.
-Bustaden kan nyttast til visingsbustad inntil overlevering.
-Det er eit vilkår for oppgjer at eigedomen er seksjonert, at det ligg føre § 12 garanti, det ligg føre mellombels bruksløyve og at bustaden er skjøtt over samt at andre kontraktsforhold er avklara.

Eigedom

Kjølsdalen - Hundshaugvegen
6776 Kjølsdalen